اللوحة الاخيرة
المكان : معسكر سونيا { مدرسة }
الديكور : فصل فى مدرسة .. مكشوف للخارج من الشبابيك الزجاجية الجانبية تخت متراصة فوق بعضها .. بطاطين ملقاه على الارض .. باب وحيد يؤدى لممر خارجى . تسمع دائما خطوات الجنود الصرب فى الممر على فترات . واصوات المحتجزات فى الحجرات الاخرى وهن يتوسلن للجنود الصرب .(نورا واقفة امام الشباك ، تحاول تتبع الصوت القادم من الحجرة الجانبية فضيلة وجميلة وسلوى جالسات على الارض . جميلة فتاة صغيرة فى السن بالرغم من جسمها ينبئ بغير ذلك اما سلوى فيبدو عليها اثار الحمل )
فضيلة : ( لنورا) خايفة
نورا : ( بعصبية ) اخاف من ايه .. اخاف .. طبعا اخاف .. لينا اسبوع واكيد الكلاب مدبرين لنا حاجة كبيرة
فضيلة : ( ويمكرون ويمكر الله والله خير الماكرين ) صدق الله العظيم
نورا : صدق الله العظيم ... انتى مش خايفة
فضيلة : بعد ما فقدت زوجى وابنى ما عدش فيه مجال للخوف
(يقف جندى امام الشباك . تصرخ نورا متراجعة )
فضيلة : مالك
( نورا تشير للشباك . فضيلة تبصق على الارض .
الجندى يشير لها اشارات يفهم منها انه يريدها )
نورا : ( لفضيلة) شايفة بيبص ليه ازاى ..
فضيلة : شايفة
نورا : شايفة ابتسامته الوقحة
فضيلة : شايفاها
نورا : أنا خايفة
فضيلة : اسمعى ( مهدده ) لو استمريت على الضعف ده .. ح اقتلك انا بايدى .
نورا : ( مندهشة ) تقتلينى
فضيلة : أيوه أقتلك
نورا : تقتلي بنتك .. وبعدين هو انا ناقصة رعب عشان تخوفيني من الانسانة الوحيدة اللي بحس معاها بالامان
(تأخذها فضيلة في حضنها)
فضيلة : لا يا حبيبتي .. بعد الشر عليكي .. بس لازم تقاومى ضعفك .. وماتديهمش فرصه يتلذذوا بادخال الرعب في قلوبنا . توعدينى
نورا : اوعدك انى ح اقاوم لحد اخر نفس فى حياتى
{ صوت خطوات عالية يفتح الباب جندى صربى يلقى بكسرات الخبز الجاف . وابريق ماء . يغلق الباب }
سلمى : انا جعانة قوى .. ( تاخذ كسرة خبز . وتنظر حولها ) ما حدش عاوز ياكل .. ده عيش ناشف وده ابريق ميه .. ( تشمه بتانف) ريحته وحشه قوى
فضيلة : ( للجميع ) كلوا علشان نقدر نقاوم
سلمي : ( تنظر الى بطنها المنتفخة من الحمل . بمرارة ) نقاوم .. لازم نقاوم
نورا : ( مشجعة) يللا يا امى يللا يا جميلة خلونا ناكل علشان نعيش .. ونواجهم بذهن صافى
( توزع نورا كسرات الخبز على الجميع . يحاولوا الاكل بصعوبة . يشربون )
جميلة : ( لسلمى ) تفتكرى انهم ح يقتلونا
سلمى : ( تشير لبطنها) فيه حاجات اصعب من القتل
فضيلة : ( زاجرة ) حاسبى على كلامى ( لجميلة مطمئنة ) طفلة جميلة زيك ياجميلة مش ممكن حد يفكر يقتلها .
سلمى : مسير الدورييجى عليها .. وتعرف كل حاجة
فضيلة : اياك تتكلمى معاها فى حاجة زى كده
جميلة : { تبكى } انا عارفه انهم ح يقتلونا زى ما قتلوا اهلى كلهم
فضيلة : انت ح تعيش لانك املنا كلنا فى بكرة
سلمى : وعلشان كده مش ح يرحمونا ولا حيرحمونا .. احنا هنا 300 واحدة موزعينا حسب الاقدمية ويعنى الدور جاى علينا كلنا .
نورا : ح نقاوم
سلمى : ( بسخرية) حد يقاوم الموت …. ده كاس وداير
نورا : هما بيعملوا كده ليه
سلمى : لانهم بيعتبرونا جزء من المعركة .. لازم يثبتوا جدارتهم فيه انا عارفه هما مستنين لحد ما اولد ويحرمونى من طفلى ويخلوه طفل صربى .. وساعتها يا اما يخلصوا منى او يخلونى لمتعتهم
جميلة : انا اختى قتلت نفسها .. ولما سالتها ليه قالت لما تكبرى ح تفهمى
سلمى : اختك شجاعة .. بطلة .. ياريتنى اقدر اعمل زيها .. بس انا جبانة
نورا : عليه اتاخرت خالص .. { صمت } أنا قلقانه عليها
فضيلة : ربنا يسترها عليها
نورا : { لسلمى } أنت وقعت في أيدهم ازاى
سلمى : كنت فى مدينة موستار .. ولما هجم الكروات علينا ودمروا المدينة الجميلة . حرقوا وقتلوا باختصار حولوها لمدينة أشباح .. أسرونا وفضلوا يعذبونا لحد ما الصرب استولوا على المنطقة اللى فيها المعتقل . وانتقلت الملكية ليهم .. لا حد خد رأينا ولا استشارنا وكأننا قطع أثاث بيتصرفوا فيها زى ما هم عاوزين دون رقيب او وازع من ضمير
(تدخل عليه وقد بدا عليها الإعياء والإنهاك . تسقط مغشيا عليها نورا وسلوى يأخذانها بجوار الحائط )
نورا : جرى لك ايه يا علية
{ تنظر اليهم بذهول . جميلة تزحف بعيد عنهم والرعب بادى عليها)
فضيلة : { لعلية } ردى عليا يابنتى .. طمنينى .. انت بخير
سلمى : { ساخطة } الكلاب .. اذوها (تخبط بطنها بعنف) احنا مالناش مكان فى العالم ده
نورا : ( تتدخل نورا وتمنعها من خبط بطنها ) هتأذي نفسك
سلمي : سيبنى
نورا : أنت بتعملى ايه يا مجنونه . لو حاولتى تسقطى الجنين اللى فى بطنك ح تموتى
سلمى : الموت ارحم { تواصل الخبط } ده ابن حرام { باستعطاف } ساعدينى ارجوكى انا عارفه انى جبانه لكن انتى قوية عنيكى بتقول كده الولد ده مش لازم يتولد ح ياخدوه ويبقى واحد منهم .. وساعتها يملوه بالاحقاد على اهله ويبقى زيهم
نورا : حياتك اهم من انك تبدديها عشان اوهام فى دماغك وبعدين انتى عارفه منين ان الازمه دى ح تستمر اكثر من كده
سلمى : ماتخدعيش نفسك … الازمة دى مستمرة وعمرها ما ح تنتهى الا بنهايتنا
فضيلة : { بسعادة } عليه بدات تفوق
نورا : شكلها صعب قوي
( تقترب منها سلمى ونورا . جميلة ما زالت متكورة على نفسها دون ان يدرى بها احد )
فضيلة : حمد لله على سلامتك يابنتى
عليه : { كالمحمومة } قلت لهم ارحمونى . قالوا ادخلى دينا . قلت لهم اقتلونى قالوا الموت رحمة .. وانت حلوة وصغيرة ازاى تموتى قبل ما تنجبى لنا اولاد صربيين
{ تبكى . صوت نشيج سلمى . جميلة ترتعد خائفة }
عليه : مارحموش ضعفى . اتكاتروا علي مقدرتش احمى نفسى
فضيلة : ابكى . فرجى عن نفسك . فرج ربنا قريب { تتحسس جبهتها } حرارتها مرتفعة لازم تنخفض ليها الحرارة باى شكل { لنورا } فيه شوية ميه فى الابريق { تذهب لاحضارها } تقرا اية قرانية . تاخد ابريق الماء من نورا . تخلع طرحتها تبلها بالماء وتضعها على جبين عليه . بسم الله الشافى العافى
نورا : رحمتك يارحيم … عدلك ياعادل
سلمى : ايه الحكمه فى اللى بيحصل لنا .. الارض بقت خراب والا
نورا : { تقاطعها } اسكتى يا مجنونه
سلمى : الآهات والصرخات والتوسلات والدعوات بتجلجل فى بطن السماء كل لحظة ومفيش شعاع امل .. مفيش دليل على وجود عدالة سماوية
نورا : استغفرى ربك ماتكفريش برحمة ربنا
سلمى : ماعدتش واثقة
فضيلة : اخرسى . اوعى تنطقى باى كلمة تانى والا انا ح اموتك
سلمى : { تدرك خطاها } انا قلت ايه .. استغفر الله العظيم
سلمى : الجراح كترت فى قلبى . مابقتش اعرف غير الكره والحقد على الدنيا .. دموعى جفت حتى الاه مش راضية تطلع
عليه : { تهذى } ارحمونى …. سيبونى
نورا : عليه
فضيلة : سيبيها ترتاح .. السخونية بتزيد فى جسمها . وربنا يستر
سلمى : { لفضيلة } تفتكرى ممكن حد يتزوجنى بعد كل اللى حصل ليه
فضيلة : الاف الشباب بيتمنوا شابه جميلة زيك واخلاقها عاليه
سلمى : { بحرارة } هيا اللى تحمل سفاح .. يبقى عندها اخلاق
فضية : وانتى ذنبك ايه
عليه : ارحمونى
سلمى : وحتى لو لقيت شاب مناسب تفتكرى ممكن امر بتجربة الزواج تانى .. صعب
عليه : سيبونى
نورا : هيه جميله فين { ينظروا جميعا الى جميلة . تنظر اليهم مذعورة } يا خبر ازاى نسيناك
فضيلة : انشغلنا عنك يا بنتى
{ تقترب منها نورا تنكمش اكثر وتهمهم }
نورا : (تحاول طمئنتها . تتشابك اكثر } اهدئي
فضيلة : أنت لسه صغيرة على الهم ده كله
نورا : { لنفسها } مش قادرة أطمئنك على نفسك وأقول لك محدش ح يلمسك لانى محتاجة حد يصرخ فى وشى يقولى أنت في أمان
جميلة : { تفلت من نورا . تصرخ } رجعونى قريتى .. عاوزه أمشى من هنا .مش عاوزه حد يقرب منى
{ حالة وجوم تصيب الجميع . تعود جميلة للجلوس على الارض والتكور وتهمهم . صوت الباب يفتح . تبتعد نورا وسلمى الى نهاية الحجرة بينما تفر جميلة بعيدا . يدخل ميكولا }
فضيلة : ( تتجه ناحية ميكولا متنمرة . ميكولا يتراجع ) تعالى ياجبان
ميكولا : { حاملا ست صوانى للاكل بصعوبة } انا ..انا … الاكل .. انا الاكل ..
فضيلة : انت الأكل
ميكولا : (يضع الصوانى على احد التخت) أنا ما عملتش حاجه … أنا حتى عندى عجز .,. اسألوا { متداركا } مش ح اقول لكم . عندي ايه .. ده سر …. وانا صغير … لا …. لا … مش هاتكلم
فضيلة : سر ايه
سلمى : كلاب
ميكولا : دى شتيمة ….. لا مش شتيمة …. ممكن تكون
فضيلة : { تفرغ عصبيتها فى ميكولا } انتوا ايه .. مفيش عندكم رحمة .. فاكرينا عبيد عندكم ح تعملوا فينا زى ما نتو عاوزين
ميكولا : انتو مش عبيد
نورا : أمال انا ايه
ميكولا : انتو عاهرات
فضيلة : (تصفعه) يا كلب وكمان خلتونا عاهرات
ميكولا : (يبكي) انا ما قلتش هما الى قالوا … القائد قال اقول لكم خبر حلو
فضيلة : خبر … حلو ……. من وشك ياصرصار
ميكولا : { متعجبا }صرصار .. لا .. صرصار صرصار
فضيلة : أيوه صرصار
ميكولا : خلاص صرصار
فضيلة : ويمكن الصراصير عندها آدمية عنكم
ميكولا : زي ما تحبي
نورا : خبر ايه
ميكولا : خبر
نورا مش قلت عندك خبر
ميكولا : آه نسيت
نورا : نسيت
ميكولا : افتكرت
نورا : (متلهفة) قول
ميكولا : الضابط قال ابلغكم وللا بلاش
فضيلة : (تمسكه بعنف) قول
ميكولا : اضر هقول
فضيلة : الضابط قال ايه
ميكولا : طيب سيبيني و انا أقول
نورا سيبيه يا ماما
فضيلة : (تتركه) أديني سيبتك
ميكولا : سمعت انهم ح طلقوا سراحكم انتوا وباقى النساء اللى فى المعسكر
نورا : { بسعادة } صحيح
ميكولا : صحيح
نورا : متأكد
ميكولا : زي ما أنا متاكد انك قمر
فضيلة : وبعدين كمل …
ميكولا : بس كده .. مقالش علي حاجة تاني
فضيلة : ايه المقابل قصاد العمل ده
ميكولا : ح يبادلوكم .. باسرى من جيشنا
نورا : الظاهر انه بيتكلم جد
ميكولا : طبعا جد { فضيلة } مالك حزينة افتكرت انك ح تتبسطى
فضيلة : ازاى وافق جيشنا على ده .. يطلقوا سراح جنودكم .. وهما عارفين ان الجنود دول ح يرجعوا يحاربونا
ميكولا : على حد علمى .. قائدكم قال ان الرجالة يقدروا يتحملوا الأسر لكن النساء لا
عليه : سيبونى أوعى حد يقرب منى
ميكولا : مالها
فضيلة : يعني انت مش عارف
ميكولا : انا حزين للي بيجري
فضيلة : وهنعمل ايه بحزنك
ميكولا : { لنورا } تعرفى انا بكره الحرب
نورا : وبتحارب ليه
ميكولا : { بهمس } انا لو رفضت ح يلفقو ليه تهمه ويقتلونى .. اقولك سر
نورا : سر ايه
ميكولا : انا شفت اخوكى لما هرب
فضيلة : هرب
نورا : دينو عايش
فضيلة : صحيح ابنى عايش
ميكولا : هش …. ش .. بشويش انتوا عاوزينهم يقتلونى
فضيلة : حاضر بصوت واطى { بهمس } ابني عايش
ميكولا : أنا شفته وإحنا بنطارده .. كان مخبى نفسه وسط بعض الجثث .. سيبته وعملت نفسى مش شايفه
فضيلة : وايه اللى خلاك تعرض نفسك للخطر
ميكولا : { بحزن } كرهت القتل .. كرهت الدم .. متصوريش صور الضحايا اللى كنا بنقتلهم بدم بارد .. عمرها ما فارقت خيالى .. إحنا بشر برضه ..
علية : (ساخرة) انتوا بشر . امال الحيوانات شكلهم ازاي
ميكولا : طبعا بشر .. بنحس بس تعملى ايه لما الكره والطمع يجتمع فى قلوب القواد والجهلاء .. لما العصبية تبقي هيه الوطن والمذهبية تكون منهج حياة ساعتها مبنشوفش اللي حوالينا بشر زينا لا بنشوفهم حيوانات لازم تموت .. الحقد بيعمي العقول .. تعرفوا .
فضيلة : ايه
ميكولا : طول عمرهم فى الاصلاحية . بيعلمونا حاجة واحدة .. الكره لكل مسلم .. كنا بنتعاطى الحقد والغل مع كل وجبه .. زى المخدرات بالضبط . كانوا بيحطوا هيكل لانسان مسلم .. ويخلونا نضرب فيه بالعصى بلا رحمة ..
فضيلة : للدرجة دي
ميكولا : ولانى دايما كنت باظهر قرفى من الى بيجرى كانوا دايما بيعايرونى بانى جبان .. ضعيف .. واضطهدونى .. صحيح أنا عارف ان ادراكى للامور ضعيف . زى ما تكون فيه سحابه على مخى بتحجب عنى أمور الحياه .. ولما رفضت أشارك فى الاغتصاب بحجة اخترعتها وهى أنى عاجز عن ممارسة { صمت } وصمونى بالعار ….. وحولونى للخدمات المعاونة … افتكروا انهم بيعاقبونى لكن كده افضل
نورا : مش عارفه نصدقك .. بس ازاى نثق فى كلام صربى
ميكولا : مسير الأيام تثبت لك .. صدق كلامى { لنفسه } لو تعرفى حبك غير فيه قد ايه
عليه : ارحموني …. الجامعة .. الطب
فضيلة : { تقيس حرارتها } حراراتها فى ارتفاع شديد
ميكولا : أشوف لها الدكتور
{ يدخل باليتش و ايفانوفيتش ومعه الجنود . نورا وسلمى يقفان جانب جميلة . فضيلة متنمرة وهى تضع ضمادة على جبين عليه }
ميكولا : (للقائد ) سيدى … ممكن نستدعى الدكتور
باليتش : دكتور ليه .. نويت تموت وتريحنا
ميكولا : ياريت
باليتش : وعاوز الدكتور ليه .. يا مصيبتي
ميكولا : اصل .. حد .. { يشير لعليه } عي .. عيانة
القائد : { يصفعه } انت عار على جيش الصرب …. ضعيف
ميكولا : بتضربنى ليه { صمت } أنا بكرهك
باليتش : أنت نسيت.. أول درس أتعلمته فى الحرب
ميكولا : { يبصق على الأرض } ده
باليتش : { صفعة } احترام القائد …
ميكولا : متضربش
باليتش : اول درس هو عدم التعاطف مع العدو
ميكولا : بس دول بشر
باليتش : دول اعداء .. كلاب .. لو طالوا ياكلوا لحمنا حي .. هياكلوه .. فاهم
ميكولا : (خائفا) فاهم
باليتش : أنا مبسوط انك فاهم
ايفانوفيتش : بس الدكتور
باليتش : (مقاطعا) اخرس .. مش كفاية إن زملائى بيشاركوا فى تطهير الارض من المسلمين الكلاب وأنا واقف هنا مع بغل زيك بسمع أخبار الحرب .. وكله بسبب هروب ابنها
باليتش : { لميكولا } بالمناسبة انت كنت مستفرد بالبنات الحلوة دى .. طبعا مش علشان الترقية{ يضحك} ما أنت زيك زيهم
ميكولا : (غاضبا)أنا فاهم غرضك ايه .. قولها معدتش بضايق منها
باليتش : يا عاجز .. يا عار علي امتنا الصربية العظيمة
ميكولا : أنا … ان .. أنا راجل .. مش .. ست
باليتش : ح اقطع لسانك علشان ردك عليه .. تعرف ح وديك مستشفى المجانين
ميكولا : يا ريت
ايفانوفيتش : { لميكولا } خذنى معاك
باليتش : الله … الله … ده تمرد
ايفانوفيتش : أنا عاوز ارجع السجن .. هناك كنت بعمل حاجة مفيدة .. بأعمل أثاثات خشبية .. كراسي .. دواليب .. كنت مبسوط ..
باليتش : بقي يا ايفانوفيتش كنت مبسوط وسط المجرمين أمثالك
ايفانوفيتش : كانت اجمل أيام ..كنت بعرف انام .. أحلم .. كنت انسان مش حيوان مبشوفش غير الدم .. أنا بأكره الدم .. ايدى ملوثه بالدم ورائحتها {يشمها } ريحة دم .. كرهت اللون الأحمر .. نفسي انزعه من جسمي
باليتش : يا عينى على جيش الصرب .. اللى العالم كله بترتجف منه . ازاى نحقق حلمنا فى دولة صربيا العظمى وعندنا بلاوى زيكم .. واحد متخلف والتانى اهبل
ميكولا : انا كنت أهبل بس دلوقتي شوفت الأمور علي قيقتها
ايفانوفيتش : وأنا كمان
باليتش : انا ح احولكم لمحكمة عسكرية
ميكولا : ياريت و أنا هقول علي البلاوي اللي شوفتها في الحرب .. و خصوصا اللي عملته انته و الضباط في ملعب كرة القدم في سراييفوا
باليتش : عملت ايه
ايفانوفيتش : لما اغتصبتم ست بالتناوب ولما بكي الرضيع قطعت راسه ورميته علي الارض بقسوة
ميكولا : ومخ الطفل اتناثر علي الارض
ايفانوفيتش : وفاكر لما قطعت اثداء الست دي
ميكولا : و فقأت عينها وسيبتوها تنزف لحد ما ماتت
علية : ( تصرخ ) كل ده ليه .. يا وحوش
باليتش : { ينظر لعليه } ها .. جميلة الجميلات
علية : ( ترتعد ) ابعد عني .. مش هسيبك تلمسني تاني
باليتش : مالك .. انت نسيتينى بسرعه كده
فضيلة : ابعد عنها .. إحنا دلوقت معدناش تحت سيطرتك
باليتش : ازاى يا حلوة
فضيلة : إحنا عرفنا انكم ح تبادلونا مع اسرى حرب
باليتش : { ينظر بغضب لميكولا } لحقت تبلغهم يا كلب .. يا جاسوس
ميكولا : انا .. مش …. جاسوس .. والخبر ده كانوا ح يعرفوه دلوقت او بعدين
باليتش : بتسرب اسرار الجيش وبتقول مش جاسوس { لفضيلة } لسه فاضل ست ساعات على التبادل .. يعنى قدامنا وقت طويل نقدر نعمل فيه حاجات كتير ياحلوة .. { لاحد جنوده } هات الست ده .. وتعالى ورايا
ميكولا : { يعترض طريق الجندى } لا …..
باليتش : بتقول ايه يا نحس
ميكولا : [ باصرار ]باقول سيبهم
ايفانوفيتش : وانا برضه ..
باليتش : ده تمرد بقى .. والتمرد عقابه القتل
ميكولا : مش مهم نموت
باليتش : { يطلق الرصاص على ميكولا وايفانوفيتش ويلتفت للجنود } هات الست دى وبنتها .. بينى وبينهم حساب طويل
فضيلة : { تقاوم دون جدوى } مش ح تفلتوا من العقاب
نورا : مسير العالم يعرف جرايمكم ويحاسبكم عليها { صوت طلقات رصاص بالخارج }
باليتش : ايه الضرب ده .. { للجنود } سيبوهم دلوقتى وتعالوا نشوف ايه اللى بيجرى بره {يدخل جندى } حصل ايه
الجندى : إرهابيون مسلمون بيهاجموا معسكرنا
باليتش : جم لنا بنفسهم .. يللا بينا نلقنهم درس عمرهم ما ينسوه { يخرجوا }
فضيلة : { بفرحة } مش قلت لكم فرجه قريب
نورا : يارب وفقهم فى حل أسرنا
فضيلة : { صوت تبادل اطلاق النار يتزايد ويقرب لجميلة } خلاص ح ترجعى لاهلك
نورا : { تقف جميلة وتجرى الى نورا .ترتمى فى حضنها } ايوه يا حبيبتى ح تعودى لاهلك ولمدرستك وحياتك
جميلة : بس اهلى ماتوا كلهم
فضيلة : إحنا اهلك .. أنت ح تيجى تعيشي معانا .. إيه رأيك
جميلة : موافقة
فضيلة : تعالوا يا بنات حواليه { يتجمعوا حولها } يللا نقرا القرآن
{ يرددوا الايات فى خشوع يدخل باليتش وجنديان بملابس ممزقة }
فضيلة : { للبنات } اقفوا فى الركن هناك
{ ينسحبوا بعيد . تساعد عليه على الوقوف تبعدها }
ص خارجى : استسلموا لنا .. مش عاوزين نستخدم العنف
باليتش : لو حد قرب حنقتل الاسرى
الام : { لنورا لفزعة } الصوت ده صوت ابنى
{ سلمى تاخد السلاح منيد نيكولا }
نورا : ايوه صحيح { يسمعهم احد الجنود . يتجه للضابط }
الجندى : الست اللى هناك بتقول ان الصوت اللى بيتكلم صوت ابنها { ويشير لفضيلة }
باليتش : رائع { للصوت الخارجى } أمك وأختك رهائن فى أيدينا .. لو وقفتوا فى طريق هروبنا . ح نقتلهم
ص خارجى : { بتردد } سيبنا نتشاور ثوانى . بس اوعى تاذى حد منهم والا
باليتش : بسرعه
سلمى : { لعليه } انا معايا سلاح سرقتها منه { تشير لميكولا }
عليه : { بهمس } هاتيه
سلمى : { بشك } ح تعملى بيه ايه
عليه : هاتى وبعدين اقولك
سلمى : { تعطيه لها بتوجس } خدى السلاح وأوعى تكوني ناوية تعملي حاجه في نفسك
عليه : ما تخافيش { تقرب من باليتش }
باليتش : { لعلية } ارجعي مكانك { يصوب الجندى السلاح ناحيتها } تتظاهر بالتراجع ثم تحاول الهجوم على باليتش { يقتلها الجندى }
باليتش : ده مصير اى واحده تعمل نفسها بطله .. يا عاهرات
سلمى : { بحزن . لعليه } عملتى كده ليه
عليه : كان لازم اقتله . وادفعه ثمن جريمته
{ تموت . يضرب باليتش رصاصه لتهديديهم . يقفز عامر من الشباك . وقبل إن ينتبهوا يدخل دينو وبقية الافراد من الباب . يستسلم الجميع . سلمى تاخذ السلاح من يد عليه)
دينو : أمي حبيبتي
فضيلة : ابني البطل .. الحمد لله على سلامتك
دينو : حد ازاكم
نورا : حد يقدر وانا اخت البطل
{ يضحكوا . تخلع حسناء ورضوى وشيماء طاقياتهم }
نورا: { باندهاش } معقولة انتو .
حسناء : مقاتلات .. اخواتكم
فضيلة : ومش خايفين يابنتى لتموتوا
رضوى : احنا موتنا قبل كده الف مرة وجه الوقت الى نرد لهم جزء من اللى عليهم
عامر : { يتامل سلمى } معقولة .. اننى لسة على قيد الحياة
سلمى : انت مين
عامر : انا عامر جارك .. مش فاكرانى
{ يقترب منها تتراجع . تمسك بالسلاح مهده }
سلمى : لو قرب منى ح موت نفسى
نورا : متخافيش يا سلمى .. أنت دلوقتى وسط اهلك .. الأيام الصعبة عدت . انتى دلوقتى حره .. النهارده يوم أتولدنا فيه من جديد
سلمى : { بمرارة } حرية .. جات متأخرة …
فضيلة : لا جات في ميعاده .. انتي قدامك الحياة ممتدة
سلمي : كل حاجة ضاعت .. كل حاجة ضاعت
دينو : { لسلمى } بكرة قدامنا نعوض فيه كل اللي فاتنا
سلمى : حتى الشرف
حسناء : للأسف الاغتصاب وسيلة كل محتل جبان
شيماء : بيحاولوا يكسروا روح العزة والكرامة داخلنا .. وبكده يزرعوا اليأس في نفوسنا ويستولوا على أراضينا
رضوى : {لسلمى } بدل ما تقتلي نفسك ونخسر مقاتله زيك أيدك فى أيدنا تنضمي للمقاومة ونطهر بلادنا منهم { سلمى تلقى السلاح . وتمد ايدها لرضوى } عظيم انت كده بقيتى بطلة مسلمة
نورا : وانا ح انضم لكم
فضيلة : وتسيبونى انا لوحدى .. انا كمان ح انضم ليكم { جميلة } ومعايا بنتى جميلة
جميلة : ربنا يخليكي
دينو : الحمد لله . روح البطولة عادت للوطن .. وكده رجع الامل فى تحرير كل حته فى ارضنا
باليتش : اتراك كلاب { عامر يصوب للضابط }
دينو : لا سيبه .. دى حياته تساوى الكثير لنا { للجنود } هاتوهم معانا
عامر: يللا نخرج بسرعة من هنا .. قبل ما قوات الصرب تحاصرنا
{ يخرجوا . عامر يتعثر فى خطواته }
عامر : اه { يعود دينو } الظاهر ان الرحلة انتهت يابطل
دينو : انت ح تكمل المشوار معانا
عامر : مفيش داعى للكلام الكثير الوقت ضيق والصرب زمانهم بيستعدوا للهجوم على المكان يللا بينا
دينو : انت ح تيجى معانا
عامر : آه.. البوسنة امانه فى ايديكم ياصديقى { اظلام تدريجى }
المكان : معسكر سونيا { مدرسة }
الديكور : فصل فى مدرسة .. مكشوف للخارج من الشبابيك الزجاجية الجانبية تخت متراصة فوق بعضها .. بطاطين ملقاه على الارض .. باب وحيد يؤدى لممر خارجى . تسمع دائما خطوات الجنود الصرب فى الممر على فترات . واصوات المحتجزات فى الحجرات الاخرى وهن يتوسلن للجنود الصرب .(نورا واقفة امام الشباك ، تحاول تتبع الصوت القادم من الحجرة الجانبية فضيلة وجميلة وسلوى جالسات على الارض . جميلة فتاة صغيرة فى السن بالرغم من جسمها ينبئ بغير ذلك اما سلوى فيبدو عليها اثار الحمل )
فضيلة : ( لنورا) خايفة
نورا : ( بعصبية ) اخاف من ايه .. اخاف .. طبعا اخاف .. لينا اسبوع واكيد الكلاب مدبرين لنا حاجة كبيرة
فضيلة : ( ويمكرون ويمكر الله والله خير الماكرين ) صدق الله العظيم
نورا : صدق الله العظيم ... انتى مش خايفة
فضيلة : بعد ما فقدت زوجى وابنى ما عدش فيه مجال للخوف
(يقف جندى امام الشباك . تصرخ نورا متراجعة )
فضيلة : مالك
( نورا تشير للشباك . فضيلة تبصق على الارض .
الجندى يشير لها اشارات يفهم منها انه يريدها )
نورا : ( لفضيلة) شايفة بيبص ليه ازاى ..
فضيلة : شايفة
نورا : شايفة ابتسامته الوقحة
فضيلة : شايفاها
نورا : أنا خايفة
فضيلة : اسمعى ( مهدده ) لو استمريت على الضعف ده .. ح اقتلك انا بايدى .
نورا : ( مندهشة ) تقتلينى
فضيلة : أيوه أقتلك
نورا : تقتلي بنتك .. وبعدين هو انا ناقصة رعب عشان تخوفيني من الانسانة الوحيدة اللي بحس معاها بالامان
(تأخذها فضيلة في حضنها)
فضيلة : لا يا حبيبتي .. بعد الشر عليكي .. بس لازم تقاومى ضعفك .. وماتديهمش فرصه يتلذذوا بادخال الرعب في قلوبنا . توعدينى
نورا : اوعدك انى ح اقاوم لحد اخر نفس فى حياتى
{ صوت خطوات عالية يفتح الباب جندى صربى يلقى بكسرات الخبز الجاف . وابريق ماء . يغلق الباب }
سلمى : انا جعانة قوى .. ( تاخذ كسرة خبز . وتنظر حولها ) ما حدش عاوز ياكل .. ده عيش ناشف وده ابريق ميه .. ( تشمه بتانف) ريحته وحشه قوى
فضيلة : ( للجميع ) كلوا علشان نقدر نقاوم
سلمي : ( تنظر الى بطنها المنتفخة من الحمل . بمرارة ) نقاوم .. لازم نقاوم
نورا : ( مشجعة) يللا يا امى يللا يا جميلة خلونا ناكل علشان نعيش .. ونواجهم بذهن صافى
( توزع نورا كسرات الخبز على الجميع . يحاولوا الاكل بصعوبة . يشربون )
جميلة : ( لسلمى ) تفتكرى انهم ح يقتلونا
سلمى : ( تشير لبطنها) فيه حاجات اصعب من القتل
فضيلة : ( زاجرة ) حاسبى على كلامى ( لجميلة مطمئنة ) طفلة جميلة زيك ياجميلة مش ممكن حد يفكر يقتلها .
سلمى : مسير الدورييجى عليها .. وتعرف كل حاجة
فضيلة : اياك تتكلمى معاها فى حاجة زى كده
جميلة : { تبكى } انا عارفه انهم ح يقتلونا زى ما قتلوا اهلى كلهم
فضيلة : انت ح تعيش لانك املنا كلنا فى بكرة
سلمى : وعلشان كده مش ح يرحمونا ولا حيرحمونا .. احنا هنا 300 واحدة موزعينا حسب الاقدمية ويعنى الدور جاى علينا كلنا .
نورا : ح نقاوم
سلمى : ( بسخرية) حد يقاوم الموت …. ده كاس وداير
نورا : هما بيعملوا كده ليه
سلمى : لانهم بيعتبرونا جزء من المعركة .. لازم يثبتوا جدارتهم فيه انا عارفه هما مستنين لحد ما اولد ويحرمونى من طفلى ويخلوه طفل صربى .. وساعتها يا اما يخلصوا منى او يخلونى لمتعتهم
جميلة : انا اختى قتلت نفسها .. ولما سالتها ليه قالت لما تكبرى ح تفهمى
سلمى : اختك شجاعة .. بطلة .. ياريتنى اقدر اعمل زيها .. بس انا جبانة
نورا : عليه اتاخرت خالص .. { صمت } أنا قلقانه عليها
فضيلة : ربنا يسترها عليها
نورا : { لسلمى } أنت وقعت في أيدهم ازاى
سلمى : كنت فى مدينة موستار .. ولما هجم الكروات علينا ودمروا المدينة الجميلة . حرقوا وقتلوا باختصار حولوها لمدينة أشباح .. أسرونا وفضلوا يعذبونا لحد ما الصرب استولوا على المنطقة اللى فيها المعتقل . وانتقلت الملكية ليهم .. لا حد خد رأينا ولا استشارنا وكأننا قطع أثاث بيتصرفوا فيها زى ما هم عاوزين دون رقيب او وازع من ضمير
(تدخل عليه وقد بدا عليها الإعياء والإنهاك . تسقط مغشيا عليها نورا وسلوى يأخذانها بجوار الحائط )
نورا : جرى لك ايه يا علية
{ تنظر اليهم بذهول . جميلة تزحف بعيد عنهم والرعب بادى عليها)
فضيلة : { لعلية } ردى عليا يابنتى .. طمنينى .. انت بخير
سلمى : { ساخطة } الكلاب .. اذوها (تخبط بطنها بعنف) احنا مالناش مكان فى العالم ده
نورا : ( تتدخل نورا وتمنعها من خبط بطنها ) هتأذي نفسك
سلمي : سيبنى
نورا : أنت بتعملى ايه يا مجنونه . لو حاولتى تسقطى الجنين اللى فى بطنك ح تموتى
سلمى : الموت ارحم { تواصل الخبط } ده ابن حرام { باستعطاف } ساعدينى ارجوكى انا عارفه انى جبانه لكن انتى قوية عنيكى بتقول كده الولد ده مش لازم يتولد ح ياخدوه ويبقى واحد منهم .. وساعتها يملوه بالاحقاد على اهله ويبقى زيهم
نورا : حياتك اهم من انك تبدديها عشان اوهام فى دماغك وبعدين انتى عارفه منين ان الازمه دى ح تستمر اكثر من كده
سلمى : ماتخدعيش نفسك … الازمة دى مستمرة وعمرها ما ح تنتهى الا بنهايتنا
فضيلة : { بسعادة } عليه بدات تفوق
نورا : شكلها صعب قوي
( تقترب منها سلمى ونورا . جميلة ما زالت متكورة على نفسها دون ان يدرى بها احد )
فضيلة : حمد لله على سلامتك يابنتى
عليه : { كالمحمومة } قلت لهم ارحمونى . قالوا ادخلى دينا . قلت لهم اقتلونى قالوا الموت رحمة .. وانت حلوة وصغيرة ازاى تموتى قبل ما تنجبى لنا اولاد صربيين
{ تبكى . صوت نشيج سلمى . جميلة ترتعد خائفة }
عليه : مارحموش ضعفى . اتكاتروا علي مقدرتش احمى نفسى
فضيلة : ابكى . فرجى عن نفسك . فرج ربنا قريب { تتحسس جبهتها } حرارتها مرتفعة لازم تنخفض ليها الحرارة باى شكل { لنورا } فيه شوية ميه فى الابريق { تذهب لاحضارها } تقرا اية قرانية . تاخد ابريق الماء من نورا . تخلع طرحتها تبلها بالماء وتضعها على جبين عليه . بسم الله الشافى العافى
نورا : رحمتك يارحيم … عدلك ياعادل
سلمى : ايه الحكمه فى اللى بيحصل لنا .. الارض بقت خراب والا
نورا : { تقاطعها } اسكتى يا مجنونه
سلمى : الآهات والصرخات والتوسلات والدعوات بتجلجل فى بطن السماء كل لحظة ومفيش شعاع امل .. مفيش دليل على وجود عدالة سماوية
نورا : استغفرى ربك ماتكفريش برحمة ربنا
سلمى : ماعدتش واثقة
فضيلة : اخرسى . اوعى تنطقى باى كلمة تانى والا انا ح اموتك
سلمى : { تدرك خطاها } انا قلت ايه .. استغفر الله العظيم
سلمى : الجراح كترت فى قلبى . مابقتش اعرف غير الكره والحقد على الدنيا .. دموعى جفت حتى الاه مش راضية تطلع
عليه : { تهذى } ارحمونى …. سيبونى
نورا : عليه
فضيلة : سيبيها ترتاح .. السخونية بتزيد فى جسمها . وربنا يستر
سلمى : { لفضيلة } تفتكرى ممكن حد يتزوجنى بعد كل اللى حصل ليه
فضيلة : الاف الشباب بيتمنوا شابه جميلة زيك واخلاقها عاليه
سلمى : { بحرارة } هيا اللى تحمل سفاح .. يبقى عندها اخلاق
فضية : وانتى ذنبك ايه
عليه : ارحمونى
سلمى : وحتى لو لقيت شاب مناسب تفتكرى ممكن امر بتجربة الزواج تانى .. صعب
عليه : سيبونى
نورا : هيه جميله فين { ينظروا جميعا الى جميلة . تنظر اليهم مذعورة } يا خبر ازاى نسيناك
فضيلة : انشغلنا عنك يا بنتى
{ تقترب منها نورا تنكمش اكثر وتهمهم }
نورا : (تحاول طمئنتها . تتشابك اكثر } اهدئي
فضيلة : أنت لسه صغيرة على الهم ده كله
نورا : { لنفسها } مش قادرة أطمئنك على نفسك وأقول لك محدش ح يلمسك لانى محتاجة حد يصرخ فى وشى يقولى أنت في أمان
جميلة : { تفلت من نورا . تصرخ } رجعونى قريتى .. عاوزه أمشى من هنا .مش عاوزه حد يقرب منى
{ حالة وجوم تصيب الجميع . تعود جميلة للجلوس على الارض والتكور وتهمهم . صوت الباب يفتح . تبتعد نورا وسلمى الى نهاية الحجرة بينما تفر جميلة بعيدا . يدخل ميكولا }
فضيلة : ( تتجه ناحية ميكولا متنمرة . ميكولا يتراجع ) تعالى ياجبان
ميكولا : { حاملا ست صوانى للاكل بصعوبة } انا ..انا … الاكل .. انا الاكل ..
فضيلة : انت الأكل
ميكولا : (يضع الصوانى على احد التخت) أنا ما عملتش حاجه … أنا حتى عندى عجز .,. اسألوا { متداركا } مش ح اقول لكم . عندي ايه .. ده سر …. وانا صغير … لا …. لا … مش هاتكلم
فضيلة : سر ايه
سلمى : كلاب
ميكولا : دى شتيمة ….. لا مش شتيمة …. ممكن تكون
فضيلة : { تفرغ عصبيتها فى ميكولا } انتوا ايه .. مفيش عندكم رحمة .. فاكرينا عبيد عندكم ح تعملوا فينا زى ما نتو عاوزين
ميكولا : انتو مش عبيد
نورا : أمال انا ايه
ميكولا : انتو عاهرات
فضيلة : (تصفعه) يا كلب وكمان خلتونا عاهرات
ميكولا : (يبكي) انا ما قلتش هما الى قالوا … القائد قال اقول لكم خبر حلو
فضيلة : خبر … حلو ……. من وشك ياصرصار
ميكولا : { متعجبا }صرصار .. لا .. صرصار صرصار
فضيلة : أيوه صرصار
ميكولا : خلاص صرصار
فضيلة : ويمكن الصراصير عندها آدمية عنكم
ميكولا : زي ما تحبي
نورا : خبر ايه
ميكولا : خبر
نورا مش قلت عندك خبر
ميكولا : آه نسيت
نورا : نسيت
ميكولا : افتكرت
نورا : (متلهفة) قول
ميكولا : الضابط قال ابلغكم وللا بلاش
فضيلة : (تمسكه بعنف) قول
ميكولا : اضر هقول
فضيلة : الضابط قال ايه
ميكولا : طيب سيبيني و انا أقول
نورا سيبيه يا ماما
فضيلة : (تتركه) أديني سيبتك
ميكولا : سمعت انهم ح طلقوا سراحكم انتوا وباقى النساء اللى فى المعسكر
نورا : { بسعادة } صحيح
ميكولا : صحيح
نورا : متأكد
ميكولا : زي ما أنا متاكد انك قمر
فضيلة : وبعدين كمل …
ميكولا : بس كده .. مقالش علي حاجة تاني
فضيلة : ايه المقابل قصاد العمل ده
ميكولا : ح يبادلوكم .. باسرى من جيشنا
نورا : الظاهر انه بيتكلم جد
ميكولا : طبعا جد { فضيلة } مالك حزينة افتكرت انك ح تتبسطى
فضيلة : ازاى وافق جيشنا على ده .. يطلقوا سراح جنودكم .. وهما عارفين ان الجنود دول ح يرجعوا يحاربونا
ميكولا : على حد علمى .. قائدكم قال ان الرجالة يقدروا يتحملوا الأسر لكن النساء لا
عليه : سيبونى أوعى حد يقرب منى
ميكولا : مالها
فضيلة : يعني انت مش عارف
ميكولا : انا حزين للي بيجري
فضيلة : وهنعمل ايه بحزنك
ميكولا : { لنورا } تعرفى انا بكره الحرب
نورا : وبتحارب ليه
ميكولا : { بهمس } انا لو رفضت ح يلفقو ليه تهمه ويقتلونى .. اقولك سر
نورا : سر ايه
ميكولا : انا شفت اخوكى لما هرب
فضيلة : هرب
نورا : دينو عايش
فضيلة : صحيح ابنى عايش
ميكولا : هش …. ش .. بشويش انتوا عاوزينهم يقتلونى
فضيلة : حاضر بصوت واطى { بهمس } ابني عايش
ميكولا : أنا شفته وإحنا بنطارده .. كان مخبى نفسه وسط بعض الجثث .. سيبته وعملت نفسى مش شايفه
فضيلة : وايه اللى خلاك تعرض نفسك للخطر
ميكولا : { بحزن } كرهت القتل .. كرهت الدم .. متصوريش صور الضحايا اللى كنا بنقتلهم بدم بارد .. عمرها ما فارقت خيالى .. إحنا بشر برضه ..
علية : (ساخرة) انتوا بشر . امال الحيوانات شكلهم ازاي
ميكولا : طبعا بشر .. بنحس بس تعملى ايه لما الكره والطمع يجتمع فى قلوب القواد والجهلاء .. لما العصبية تبقي هيه الوطن والمذهبية تكون منهج حياة ساعتها مبنشوفش اللي حوالينا بشر زينا لا بنشوفهم حيوانات لازم تموت .. الحقد بيعمي العقول .. تعرفوا .
فضيلة : ايه
ميكولا : طول عمرهم فى الاصلاحية . بيعلمونا حاجة واحدة .. الكره لكل مسلم .. كنا بنتعاطى الحقد والغل مع كل وجبه .. زى المخدرات بالضبط . كانوا بيحطوا هيكل لانسان مسلم .. ويخلونا نضرب فيه بالعصى بلا رحمة ..
فضيلة : للدرجة دي
ميكولا : ولانى دايما كنت باظهر قرفى من الى بيجرى كانوا دايما بيعايرونى بانى جبان .. ضعيف .. واضطهدونى .. صحيح أنا عارف ان ادراكى للامور ضعيف . زى ما تكون فيه سحابه على مخى بتحجب عنى أمور الحياه .. ولما رفضت أشارك فى الاغتصاب بحجة اخترعتها وهى أنى عاجز عن ممارسة { صمت } وصمونى بالعار ….. وحولونى للخدمات المعاونة … افتكروا انهم بيعاقبونى لكن كده افضل
نورا : مش عارفه نصدقك .. بس ازاى نثق فى كلام صربى
ميكولا : مسير الأيام تثبت لك .. صدق كلامى { لنفسه } لو تعرفى حبك غير فيه قد ايه
عليه : ارحموني …. الجامعة .. الطب
فضيلة : { تقيس حرارتها } حراراتها فى ارتفاع شديد
ميكولا : أشوف لها الدكتور
{ يدخل باليتش و ايفانوفيتش ومعه الجنود . نورا وسلمى يقفان جانب جميلة . فضيلة متنمرة وهى تضع ضمادة على جبين عليه }
ميكولا : (للقائد ) سيدى … ممكن نستدعى الدكتور
باليتش : دكتور ليه .. نويت تموت وتريحنا
ميكولا : ياريت
باليتش : وعاوز الدكتور ليه .. يا مصيبتي
ميكولا : اصل .. حد .. { يشير لعليه } عي .. عيانة
القائد : { يصفعه } انت عار على جيش الصرب …. ضعيف
ميكولا : بتضربنى ليه { صمت } أنا بكرهك
باليتش : أنت نسيت.. أول درس أتعلمته فى الحرب
ميكولا : { يبصق على الأرض } ده
باليتش : { صفعة } احترام القائد …
ميكولا : متضربش
باليتش : اول درس هو عدم التعاطف مع العدو
ميكولا : بس دول بشر
باليتش : دول اعداء .. كلاب .. لو طالوا ياكلوا لحمنا حي .. هياكلوه .. فاهم
ميكولا : (خائفا) فاهم
باليتش : أنا مبسوط انك فاهم
ايفانوفيتش : بس الدكتور
باليتش : (مقاطعا) اخرس .. مش كفاية إن زملائى بيشاركوا فى تطهير الارض من المسلمين الكلاب وأنا واقف هنا مع بغل زيك بسمع أخبار الحرب .. وكله بسبب هروب ابنها
باليتش : { لميكولا } بالمناسبة انت كنت مستفرد بالبنات الحلوة دى .. طبعا مش علشان الترقية{ يضحك} ما أنت زيك زيهم
ميكولا : (غاضبا)أنا فاهم غرضك ايه .. قولها معدتش بضايق منها
باليتش : يا عاجز .. يا عار علي امتنا الصربية العظيمة
ميكولا : أنا … ان .. أنا راجل .. مش .. ست
باليتش : ح اقطع لسانك علشان ردك عليه .. تعرف ح وديك مستشفى المجانين
ميكولا : يا ريت
ايفانوفيتش : { لميكولا } خذنى معاك
باليتش : الله … الله … ده تمرد
ايفانوفيتش : أنا عاوز ارجع السجن .. هناك كنت بعمل حاجة مفيدة .. بأعمل أثاثات خشبية .. كراسي .. دواليب .. كنت مبسوط ..
باليتش : بقي يا ايفانوفيتش كنت مبسوط وسط المجرمين أمثالك
ايفانوفيتش : كانت اجمل أيام ..كنت بعرف انام .. أحلم .. كنت انسان مش حيوان مبشوفش غير الدم .. أنا بأكره الدم .. ايدى ملوثه بالدم ورائحتها {يشمها } ريحة دم .. كرهت اللون الأحمر .. نفسي انزعه من جسمي
باليتش : يا عينى على جيش الصرب .. اللى العالم كله بترتجف منه . ازاى نحقق حلمنا فى دولة صربيا العظمى وعندنا بلاوى زيكم .. واحد متخلف والتانى اهبل
ميكولا : انا كنت أهبل بس دلوقتي شوفت الأمور علي قيقتها
ايفانوفيتش : وأنا كمان
باليتش : انا ح احولكم لمحكمة عسكرية
ميكولا : ياريت و أنا هقول علي البلاوي اللي شوفتها في الحرب .. و خصوصا اللي عملته انته و الضباط في ملعب كرة القدم في سراييفوا
باليتش : عملت ايه
ايفانوفيتش : لما اغتصبتم ست بالتناوب ولما بكي الرضيع قطعت راسه ورميته علي الارض بقسوة
ميكولا : ومخ الطفل اتناثر علي الارض
ايفانوفيتش : وفاكر لما قطعت اثداء الست دي
ميكولا : و فقأت عينها وسيبتوها تنزف لحد ما ماتت
علية : ( تصرخ ) كل ده ليه .. يا وحوش
باليتش : { ينظر لعليه } ها .. جميلة الجميلات
علية : ( ترتعد ) ابعد عني .. مش هسيبك تلمسني تاني
باليتش : مالك .. انت نسيتينى بسرعه كده
فضيلة : ابعد عنها .. إحنا دلوقت معدناش تحت سيطرتك
باليتش : ازاى يا حلوة
فضيلة : إحنا عرفنا انكم ح تبادلونا مع اسرى حرب
باليتش : { ينظر بغضب لميكولا } لحقت تبلغهم يا كلب .. يا جاسوس
ميكولا : انا .. مش …. جاسوس .. والخبر ده كانوا ح يعرفوه دلوقت او بعدين
باليتش : بتسرب اسرار الجيش وبتقول مش جاسوس { لفضيلة } لسه فاضل ست ساعات على التبادل .. يعنى قدامنا وقت طويل نقدر نعمل فيه حاجات كتير ياحلوة .. { لاحد جنوده } هات الست ده .. وتعالى ورايا
ميكولا : { يعترض طريق الجندى } لا …..
باليتش : بتقول ايه يا نحس
ميكولا : [ باصرار ]باقول سيبهم
ايفانوفيتش : وانا برضه ..
باليتش : ده تمرد بقى .. والتمرد عقابه القتل
ميكولا : مش مهم نموت
باليتش : { يطلق الرصاص على ميكولا وايفانوفيتش ويلتفت للجنود } هات الست دى وبنتها .. بينى وبينهم حساب طويل
فضيلة : { تقاوم دون جدوى } مش ح تفلتوا من العقاب
نورا : مسير العالم يعرف جرايمكم ويحاسبكم عليها { صوت طلقات رصاص بالخارج }
باليتش : ايه الضرب ده .. { للجنود } سيبوهم دلوقتى وتعالوا نشوف ايه اللى بيجرى بره {يدخل جندى } حصل ايه
الجندى : إرهابيون مسلمون بيهاجموا معسكرنا
باليتش : جم لنا بنفسهم .. يللا بينا نلقنهم درس عمرهم ما ينسوه { يخرجوا }
فضيلة : { بفرحة } مش قلت لكم فرجه قريب
نورا : يارب وفقهم فى حل أسرنا
فضيلة : { صوت تبادل اطلاق النار يتزايد ويقرب لجميلة } خلاص ح ترجعى لاهلك
نورا : { تقف جميلة وتجرى الى نورا .ترتمى فى حضنها } ايوه يا حبيبتى ح تعودى لاهلك ولمدرستك وحياتك
جميلة : بس اهلى ماتوا كلهم
فضيلة : إحنا اهلك .. أنت ح تيجى تعيشي معانا .. إيه رأيك
جميلة : موافقة
فضيلة : تعالوا يا بنات حواليه { يتجمعوا حولها } يللا نقرا القرآن
{ يرددوا الايات فى خشوع يدخل باليتش وجنديان بملابس ممزقة }
فضيلة : { للبنات } اقفوا فى الركن هناك
{ ينسحبوا بعيد . تساعد عليه على الوقوف تبعدها }
ص خارجى : استسلموا لنا .. مش عاوزين نستخدم العنف
باليتش : لو حد قرب حنقتل الاسرى
الام : { لنورا لفزعة } الصوت ده صوت ابنى
{ سلمى تاخد السلاح منيد نيكولا }
نورا : ايوه صحيح { يسمعهم احد الجنود . يتجه للضابط }
الجندى : الست اللى هناك بتقول ان الصوت اللى بيتكلم صوت ابنها { ويشير لفضيلة }
باليتش : رائع { للصوت الخارجى } أمك وأختك رهائن فى أيدينا .. لو وقفتوا فى طريق هروبنا . ح نقتلهم
ص خارجى : { بتردد } سيبنا نتشاور ثوانى . بس اوعى تاذى حد منهم والا
باليتش : بسرعه
سلمى : { لعليه } انا معايا سلاح سرقتها منه { تشير لميكولا }
عليه : { بهمس } هاتيه
سلمى : { بشك } ح تعملى بيه ايه
عليه : هاتى وبعدين اقولك
سلمى : { تعطيه لها بتوجس } خدى السلاح وأوعى تكوني ناوية تعملي حاجه في نفسك
عليه : ما تخافيش { تقرب من باليتش }
باليتش : { لعلية } ارجعي مكانك { يصوب الجندى السلاح ناحيتها } تتظاهر بالتراجع ثم تحاول الهجوم على باليتش { يقتلها الجندى }
باليتش : ده مصير اى واحده تعمل نفسها بطله .. يا عاهرات
سلمى : { بحزن . لعليه } عملتى كده ليه
عليه : كان لازم اقتله . وادفعه ثمن جريمته
{ تموت . يضرب باليتش رصاصه لتهديديهم . يقفز عامر من الشباك . وقبل إن ينتبهوا يدخل دينو وبقية الافراد من الباب . يستسلم الجميع . سلمى تاخذ السلاح من يد عليه)
دينو : أمي حبيبتي
فضيلة : ابني البطل .. الحمد لله على سلامتك
دينو : حد ازاكم
نورا : حد يقدر وانا اخت البطل
{ يضحكوا . تخلع حسناء ورضوى وشيماء طاقياتهم }
نورا: { باندهاش } معقولة انتو .
حسناء : مقاتلات .. اخواتكم
فضيلة : ومش خايفين يابنتى لتموتوا
رضوى : احنا موتنا قبل كده الف مرة وجه الوقت الى نرد لهم جزء من اللى عليهم
عامر : { يتامل سلمى } معقولة .. اننى لسة على قيد الحياة
سلمى : انت مين
عامر : انا عامر جارك .. مش فاكرانى
{ يقترب منها تتراجع . تمسك بالسلاح مهده }
سلمى : لو قرب منى ح موت نفسى
نورا : متخافيش يا سلمى .. أنت دلوقتى وسط اهلك .. الأيام الصعبة عدت . انتى دلوقتى حره .. النهارده يوم أتولدنا فيه من جديد
سلمى : { بمرارة } حرية .. جات متأخرة …
فضيلة : لا جات في ميعاده .. انتي قدامك الحياة ممتدة
سلمي : كل حاجة ضاعت .. كل حاجة ضاعت
دينو : { لسلمى } بكرة قدامنا نعوض فيه كل اللي فاتنا
سلمى : حتى الشرف
حسناء : للأسف الاغتصاب وسيلة كل محتل جبان
شيماء : بيحاولوا يكسروا روح العزة والكرامة داخلنا .. وبكده يزرعوا اليأس في نفوسنا ويستولوا على أراضينا
رضوى : {لسلمى } بدل ما تقتلي نفسك ونخسر مقاتله زيك أيدك فى أيدنا تنضمي للمقاومة ونطهر بلادنا منهم { سلمى تلقى السلاح . وتمد ايدها لرضوى } عظيم انت كده بقيتى بطلة مسلمة
نورا : وانا ح انضم لكم
فضيلة : وتسيبونى انا لوحدى .. انا كمان ح انضم ليكم { جميلة } ومعايا بنتى جميلة
جميلة : ربنا يخليكي
دينو : الحمد لله . روح البطولة عادت للوطن .. وكده رجع الامل فى تحرير كل حته فى ارضنا
باليتش : اتراك كلاب { عامر يصوب للضابط }
دينو : لا سيبه .. دى حياته تساوى الكثير لنا { للجنود } هاتوهم معانا
عامر: يللا نخرج بسرعة من هنا .. قبل ما قوات الصرب تحاصرنا
{ يخرجوا . عامر يتعثر فى خطواته }
عامر : اه { يعود دينو } الظاهر ان الرحلة انتهت يابطل
دينو : انت ح تكمل المشوار معانا
عامر : مفيش داعى للكلام الكثير الوقت ضيق والصرب زمانهم بيستعدوا للهجوم على المكان يللا بينا
دينو : انت ح تيجى معانا
عامر : آه.. البوسنة امانه فى ايديكم ياصديقى { اظلام تدريجى }
ص . الراديو : توصلت المباحثات اليوم فى دايتون الى التوقيع على اتفاقية يتم بموجبها وقف العمليات العسكرية خلال الايام القادمة تمهيدا لاقامة حكم تكون من مجلس رئاسى صربى وبوسنى وكرواتى مشترك . هذا ومن المقرر ان تنتشر قوات الامم المتحدة فى جميع انحاء البوسنة والهرسك خلال الاسابيع القادمة .
تكرار للتوشيح : المصلين يا رسول الله يا نبى . يا رسول الله يا نبى
الامام : يا رسول الله يا نبى
المصلين : يا نبى
تكرار للتوشيح : المصلين يا رسول الله يا نبى . يا رسول الله يا نبى
الامام : يا رسول الله يا نبى
المصلين : يا نبى
نشرت في المصري اليوم
ليست هناك تعليقات:
إرسال تعليق