شخصيات المسرحية:
الجد
فتحي
سهام
راشد
لمياء
سيده
ريم
راضي
شكري
رمزي
السيد رفعت
السائح/السائحة
اللواء 1/2/3
الضابط
الجد
فتحي
سهام
راشد
لمياء
سيده
ريم
راضي
شكري
رمزي
السيد رفعت
السائح/السائحة
اللواء 1/2/3
الضابط
مسرحية الخروج من الاسر
الفصل الأول
الفصل الأول
ديكور ( فيلا مكونة من طابقين . صالون المنزل .. الحائط المواجه للجمهور به سلم يصل الدور الاول بالدور الثاني .. في الحائط الايمن باب يؤدي الي خارج الكنزل .. في الحائط الايسر بابان يؤديان الي حجرتين : حجرة النوم .. حجرة الضيوف .. ساعة عتيقة معلقة فوق باب حجرة النوم .. في منتصف الصالة اريكة مغطاة بقماش ابيض .. كرسيان فوتيه مغطيان بقماش ابيض .. في الجانب الايمن منضدة زجاجية حولها مقاعد .. سجاد قديم يفترش الارضية .
اضاءة ضعيفة ..دقات عنيفة علي الباب الخارجي .. صوت فتحي من الداخل ..
فتحي : مين بيخبط ( الخبط مستمر) افتحي يا سيده ( يتثاءب ) افتحي يا سهام الباب
وبطلي تعملي مش سامعه .. انا شايفك قاعدة في الصاله سرحانه كالعادة
( صوت الخبط ) بلاش تفتحي قولي للشغالة تفتح .. وبعدين
( يظهر فتحي في العقد الرابع من عمره يلبس روب اسود ونظارة مضغوطة )
لازم اقوم من النوم عسان افتح ( يتثاءب )
صوت من الخارج : يا فتحي افتح الباب .. لو سمت
فتحي : ( يقف متاملا ) غريبة نفس الصوت انا سامعه بيكلمني في الحلم ( يتثاءب )
كان بيقولي افتح يا فتحي .. بس اللي مستغرب له هو ازاي عرف اسمي
( يهرش في راسه ) ممكن يكون يعرفني .. ممكن ليه لا .. ما دام بيندهني
يبقي لازم يعرفني وما دام بيخبط علي الباب يبقي لازم يعرفني .. الباب
نسيت اصلحه .. يااه من خمس سنين وانا بانسي اصلحه .. يا رب افتكر اصلحه يارب
الصوت : ( بصوت متقطع ) افتح يا فتحي
فتحي : افتح يا سمسم .. الساعةكام دلوقتي ( ينظر الي ساعة الحائط ) اربعة ونصف ..
. معقوله ( ينظر الي الساعة في يده ) الساعة اللي في ايدي اربعة ونصف
برضه يبقي مضبوط .. لما ساعتين يتفقوا في ميعاد حتي ولو كان خطأ يبقي
صحيح . . بس المشكلة هيه لو صدقت الساعة اللي علي الحائط واللي في ايدي
مثلا ، تفضل مشكلة هيه باختصار .. الساعة اربعة ونصف مساء ام صباحا .. اما
انت غريب يا فتحي وايه الفرق ما دام الواحد يقدر ينام من اربعة ونصف صباحا
لاربعة ونصف مساء
الصوت : افتح يا فتحي
فتحي : ايوه نرجع لموضوع الصوت اللي جاني في المنام .. اجمل ما فيه انه بيناديني
باسمي .. جميل انك تلاقي حد عارف اسمك في عالم الغيبيات .. وخصوصا
اني من ساعة ما اشتغلت في الشرطة ما حدش ندهني باسمي .. مش لاقي تفسير
للحكاية دي .. كلهم بينادوني بياباشا .. وحتي بعد ما دخلت السجن .. السجن
( صمت ) انا ايه اللي فكرني بالحكاية دي
الصوت : يا فتحي انا في عرضك
فتحي : ياه .. نفسى مراتي تفتح الباب مرة .. بدل ما هي عامله زي تمثال الشمع كده ..
بس ازاي تفتح وانا محرج عليها تفتح الباب او تي تبص من الشباك .. تلاقيها
عند الباشا بتأكله .. ماهي دايما قاعده معاه وسيباني .. ده لولا سيدة الشغالة كنت
اكلم نفسي من الوحدة .. غريبة الصوت اختفي .. كويس اكمل نومي ..وللا اقولك
اتأكد من نواياهم الاول ( يقترب بحذر من الباب وينظر من العين السحرية .
تبدأ الخبطات . يفزع من شدة الخبط ) مين
الصوت : افتح يا فتحي أنا رمزي
رمزي : ( يفتح الباب ) رمزي صديقي
( يحتضنه . يربت رمزي علي فتحي فيغطي التراب المكان ) ايه ده ... التراب
كله جاي منين
رمزي : انا عارف جاي منين
فتحي : بالحضن يا صديقي
رمزي : لا .. كفاية كده
فتحي : تعالي اقعد علي الفوتيه ده .. محدش قعد عليه من قد ( ينسي ) مش فاكر قد
ايه .. الزمن اتلخبط في دماغي ما علينا تعالي اقعد .. ده انت اول واحد يزرني من قد
( ينسي ) مش فاكر رمزي بس انت لسه متفظ بشبابك
( يربت عليه فيخرج التراب ) زي الاول واكتر
اضاءة ضعيفة ..دقات عنيفة علي الباب الخارجي .. صوت فتحي من الداخل ..
فتحي : مين بيخبط ( الخبط مستمر) افتحي يا سيده ( يتثاءب ) افتحي يا سهام الباب
وبطلي تعملي مش سامعه .. انا شايفك قاعدة في الصاله سرحانه كالعادة
( صوت الخبط ) بلاش تفتحي قولي للشغالة تفتح .. وبعدين
( يظهر فتحي في العقد الرابع من عمره يلبس روب اسود ونظارة مضغوطة )
لازم اقوم من النوم عسان افتح ( يتثاءب )
صوت من الخارج : يا فتحي افتح الباب .. لو سمت
فتحي : ( يقف متاملا ) غريبة نفس الصوت انا سامعه بيكلمني في الحلم ( يتثاءب )
كان بيقولي افتح يا فتحي .. بس اللي مستغرب له هو ازاي عرف اسمي
( يهرش في راسه ) ممكن يكون يعرفني .. ممكن ليه لا .. ما دام بيندهني
يبقي لازم يعرفني وما دام بيخبط علي الباب يبقي لازم يعرفني .. الباب
نسيت اصلحه .. يااه من خمس سنين وانا بانسي اصلحه .. يا رب افتكر اصلحه يارب
الصوت : ( بصوت متقطع ) افتح يا فتحي
فتحي : افتح يا سمسم .. الساعةكام دلوقتي ( ينظر الي ساعة الحائط ) اربعة ونصف ..
. معقوله ( ينظر الي الساعة في يده ) الساعة اللي في ايدي اربعة ونصف
برضه يبقي مضبوط .. لما ساعتين يتفقوا في ميعاد حتي ولو كان خطأ يبقي
صحيح . . بس المشكلة هيه لو صدقت الساعة اللي علي الحائط واللي في ايدي
مثلا ، تفضل مشكلة هيه باختصار .. الساعة اربعة ونصف مساء ام صباحا .. اما
انت غريب يا فتحي وايه الفرق ما دام الواحد يقدر ينام من اربعة ونصف صباحا
لاربعة ونصف مساء
الصوت : افتح يا فتحي
فتحي : ايوه نرجع لموضوع الصوت اللي جاني في المنام .. اجمل ما فيه انه بيناديني
باسمي .. جميل انك تلاقي حد عارف اسمك في عالم الغيبيات .. وخصوصا
اني من ساعة ما اشتغلت في الشرطة ما حدش ندهني باسمي .. مش لاقي تفسير
للحكاية دي .. كلهم بينادوني بياباشا .. وحتي بعد ما دخلت السجن .. السجن
( صمت ) انا ايه اللي فكرني بالحكاية دي
الصوت : يا فتحي انا في عرضك
فتحي : ياه .. نفسى مراتي تفتح الباب مرة .. بدل ما هي عامله زي تمثال الشمع كده ..
بس ازاي تفتح وانا محرج عليها تفتح الباب او تي تبص من الشباك .. تلاقيها
عند الباشا بتأكله .. ماهي دايما قاعده معاه وسيباني .. ده لولا سيدة الشغالة كنت
اكلم نفسي من الوحدة .. غريبة الصوت اختفي .. كويس اكمل نومي ..وللا اقولك
اتأكد من نواياهم الاول ( يقترب بحذر من الباب وينظر من العين السحرية .
تبدأ الخبطات . يفزع من شدة الخبط ) مين
الصوت : افتح يا فتحي أنا رمزي
رمزي : ( يفتح الباب ) رمزي صديقي
( يحتضنه . يربت رمزي علي فتحي فيغطي التراب المكان ) ايه ده ... التراب
كله جاي منين
رمزي : انا عارف جاي منين
فتحي : بالحضن يا صديقي
رمزي : لا .. كفاية كده
فتحي : تعالي اقعد علي الفوتيه ده .. محدش قعد عليه من قد ( ينسي ) مش فاكر قد
ايه .. الزمن اتلخبط في دماغي ما علينا تعالي اقعد .. ده انت اول واحد يزرني من قد
( ينسي ) مش فاكر رمزي بس انت لسه متفظ بشبابك
( يربت عليه فيخرج التراب ) زي الاول واكتر
فتحي : تعالي اقعد .. مالك متسمر كده ليه
رمزي : اصل معايا (صمت) مش عارف .. انا محرج منك قوي
فتحي : قول يا رمزي قول يا خويا .. احنا ما فيش بينا فرق
رمزي : معايا كرتونة .. بره
فتحي : معاك كرتونة وسايبها بره .. ده كلام دخلها يا راجل لحسن تزعل
رمزي : مين هيه دي .ز واضح ان الفترة اللي قضيتها في البيت نسيتك اسامي
الناس .. الكرتونة مش حد معين .. كرتون كرتونة
فتحي : ايوه كرتونة كرتونة اللي بيشيلوا فيها الحاجات .. لامؤاخذة يا رمزي اصلي
نسيت الاسماء
رمزي : مش مهم الاسماء .. ده حتي الاسماء بتلخبط الواحد
فتحي : عشان كده قررت أنسي كل شيء وكل اسم (صمت) كده افضل
رمزي : ارمي يا اخويا الدنيا ورا ضهرك .. هه .. هه .. هه هو حد واخد منها حاجة
( تدخل سهام)
فتحي : ده رمزي صديق الطفولة .. بس الايام فرقتنا
رمزي : واهي جمعتنا تاني (لفتحي) دي مدام سهام .. انا فاكر ان اول مرة وآخر مرة
طبعا شفتها فيه كانت ليلة فرحكم في نادي الشرطة .. كان فرح مهول .. كنت فيه
زي الفرسان اللي بنسمع عنهم في الرويات أما المدام فكانت فلقة قمر .. كل
الموجودين كانوا بيقولوا كده
سهام : ياااه ده عمر تاني .. انت لسه فاكر
فتحي : خلينا في المهم .. انت النهاردة هتتغدا معانا .. وانتي يا زوجتي العزيزة حضري
غداء محترم يليق بصدايق الطفولة
سهام : ساعة و الغدا يجهز (تخرج)
فتحي : انت دخلت الكرتونة وللا لسه
رمزي : حالا (يخرج رمزي ، يدخل حاملا كرتونة . يضعها بجوار الباب) شكرا يا عزيزي
فتحي : ده أنا اللي أشكرك .. إنك الوحيد اللي افتكرتني بعد ما كل اللي أعرفهم قاطعوني ..
بعد ما سجنوني ظلم
رمزي : احنا اصدقاء ومفيش اجة ممكن تفرقنا
فتحي : تعالي نقعد جوه افرجك علي البوم صوري لما كنت في الشرطة
( يخرجوا . تدخل سيدة وسهام )
سهام : ( تناولها ورقة) عاوزاكي تشتري الحاجات دي بسرعة .. أوعي تتأخري عشاان
سيدك فتحي عنده ضيوف النهارده
سيدة : هو يا ستي .. احنا نطول نخدم سي البيه وسي الضيوف اللي معاه ( لنفسها )
الحمد لله جه حد أخيرا وسأل عن سي فتحي .. الحمد لله يا ستي انه نووي أخيرا
يخرج من وحدته .. دا قاعد علي طول في أوضته ما بيخرجش منها إلا للشديد القوي
.. ولا بيكلم حد غير سيادتك .. معزول عن الدنيا يا حرام .. بيتهيألي إنه لو خرج
في الشارع دلوقتي لوحده يتوه
سهام : إيه يا بنت الكلام ده .. اوعي أسمعك تتكلمي تاني عن البيه كده .. يالا روحي
بسرعة تشتري الحاجات اللي قولت لك عليها وبلاش غلبه
سيدة : حاضر يا هانم .. بس أنا والنبي صعبان عليه حال البيه من ساعة ما اتحبس ظلم
وهو حاله لايسر عدو ولا حبيب
سهام : مفيش اضعب في ادنيا من كسرة نفس الرجل الحر .. بتهدده وتفقده الثقة بالنفس ..
يوه يا سيدة متقلبيش عليه المواجع
سيدة : ما انتي يا ستي بتتوجعي كل يوم .. تفتكري انا ما باحسش بيكي وأنتي سهرانة قدام
باب سي فتي .. زي ما تكوني بتعدني أنفاسه .. خايفه ليعوز اجة حتي في احلامه
وما يلاقيش حد جنبه يلبيها له ما تتصوريش أنا حبيت سي فتحي .. زي أخويا
طبعا من حبك واخلاصك ليه
سهام : روحي يا سيدة وهاتي البيه الطلبات اللي قولتلك عليها
سيدة : ( مستمرة في حديثها) حازز في نفسي الفرقه اللي شايفاها في البيت بين سي
فتحي والبيه الكبير سي راشد .. معقوله يا هانم حتي السكرة سي راشد يقاطع
والده سي فتحي
سهام : ( معنفه) قولت متتدخليش في اللي مالكيش فيه .. يلا روحي اشتري الاجات اللي
قولت لك عليها ( تخرج سيدة . تدخل لمياء )
لمياء : فيه ايه يا ماما سهام .. بتزعقي لمين
سهام : ما فيش يا حبيبتي
لمياء : لا فيه .. مش ممكن القمر ده يتنرفز من غير سبب .. هتخبي عن حبيبتك لمياء
سهام : تخيلي البنت سيدة بقت بتتكلم في شئون البيت
لمياء : سيدة مخلصة لينا .. اكيد زعلانة من اللي شايفاه بيحصل لينا .. بابا فتحي في
جنب وجدو وراشد في جنب تاني .. وانا وانتي واقفين في النص محتارين ازاي
ننهي البعد والجفوة دي .. عشان كل حاجة ترجع لاصلها
سهام : آه .. تعبت يا ربي حمل تقيل
لمياء : سلامتك يا ماما .. أنا آسفة .. انا زودتها ودست علي الجرح .. وانتي فيكي اللي
مكفيكي .. كفاية انك ربتيني بعد ما توفي والدي امي وابويا .. كنتي نبع حنان
مهما غرفت منه عمره ما يجف
سهام : ايه يا بنتي اللي بتقوليه ده .. لو فيه فضل فهيكون ليكي
لمياء : بحبك قوي يا احلي ام
سهام : متتصوريش انتي يا بنتي سلوتي الوحيدة في الدنيا .. مش عارف من غيرك كان
ممكن اعيش ازاي في بيت زي ده .. امك كانت اختي مش مرات اخو جوزي
الله يرحمه .. انتي من اب وام يفتخر اي حد انه يعرفهم .. مش عاشرهم زي ..
اوعي تقولي كلام زي ده تاني .. زدلوقتي اتفضلي من غير مطرود علي جامعتك
لمياء : مش قبل ما اشوف ابتسامتك الحلوة الاول (تبتسم ) اهو كده الواحدة تروح
الجامعة بنفس .. مع السلامة يا ماما .. مش هتاخر ( يدخل الجد )
الجد : بنت ابني الشهيد .. حبيبة جدو .. لابسة ورايحة علي فين
لمياء : رايحة الجامعة يا جدو
الجد : بالتوفيق يا بنتي ( تخرج لمياء)
سهام : وانتي لابس بدري ورايح علي فين
الجد : رايح لابني
سهام : فتحي ماله
الجد : فتحي مش ابني .. انا رايح لابني الكبير الشهيد حمدي ( باكيا) ازوره هو ومراته
في قبرهم .. الله يرحمك يا حمدي كان بار بيه .. شرف اسم اللواء شوقي ..
عزائي الوحيد عنه انه سايب حاجة من ريحته .. لمياء الزهرة الجميلة .. الشمس
اللي بتنور حياتي كلها .. وانتي طبعا يا بنتي
سهام : إمتي هترضي يا عمي عن فتحي
الجد : ما تجبيش سيرة الولد ده قدامي .. ده وباء .. أنا عارف انتي مش طالعة لابنك راشد
ليه .. ( لنفسه ) يا ريتني كنت سبته دخل الكلية اللي عايزها ولا كان دخل
الشرطة وجاب ليه العار
سهام : يعني عاجبك أنه مقاطع والده ومش عاوز يكلمه
الجد : راشد ده تربية ايدي .. كبر في حضن جده الوقت اللي كان والده فيه محبوس
بتهمة مخلة بالشرف
سهام : انت عارف أنه مظلوم
الجد : مظلوم .. انتي تعرفي ايه عن الظلم .. الظلم الحقيقي هو اللي عمله الولد ده في بلده
وفي ابنه وفي اسمي لطخنا كلنا بالعار
سهام : مهما ماكان ده ابنك
الجد : أنا ماليش غير ابن واد واستشهد ابني اللي شرف اسمي .. لكن فتحي خاين ( يخرج )
سهام : يارب تهدي النفوس .. وتتصافي ( تدخل المنزل وسيدة وخلفها راشد) انتي جيتي
يا سيدة ( تلمح راشد ) راشد انت لسه فاكر ان لك أم
سيدة : قلبه جر يا ستي
راشد : اعذريني يا امي .ز الشغل واحد كل وقتي .. انتي عارفة شغلة المحاماه صعبه قد
ايه ..جدي فين وحشني قوي
سهام : وابوك ما اشتقتش ليه
سيدة : يشتاق ليه ازاي .. ما هو كبر خلاص وما عدش بيفكر غير في نفسه بس
راشد : مش قادر يا امي .. حاسس فيه حاجز كبير بيني وبين والدي حاجز من خيبة
الامل .. والإنكسار اللي باحس بيه كل ما حد يسألني عن اسمي وساعتها افتكر إني
لازم أتكلم أقوله إني ابن خاين و ..
سهام : ما تكملش .. انت نبت شيطاني أبوك أعظم أب في الدنيا .ز اللي رباك عليه جدك
من الكراهية .. غلطة كبيرة .. غلطة شاركت فيها بجهلي .. كان لازم أول
ما اتحبس والدك .. أخذك بعيد عن جو الكره ده .. واروح بيك لمكان تتنفس
فيه هواء نضيف تعرف فيه معني كلمة أب .. اخص عليك
سيدة : كان لازم تضربيه ياستي
سهام : ( بعصبية ) أنتي واقفة هنا ليه .. ادخلي جوه (تخرج سيدة . يدخل الجد)
ما روحتش تزور حمدي
الجد: حاسس ان رجلي مش قادرة تشيلني
راشد : سلامتك يا جدي .. أجيب لك دكتور
الجد : لا أنا هبقي كويس .. كنت فين اليومين اللي فاتوا يا اونطجي
راشد : كنت بأجول وأصول في المحاكم .. زي ما انت جولت وصولت في حرب اكتوبر
يا أعظم مقاتل في التاريخ الحديث والقديم . . أعظم من نابليون حتي
الجد : طالع بكاش الولد ده .. ما تغبش عن جدك لسن تيجي تلاقيه في يوم مات
سهام : سلامتك يا عمي
راشد : تموت ازاي والعروسة اللي أنا جايبها لك .. تسيبها لمين
الجد : عروسة لجدك العجوز .. لا أنا عاوز أجوزك انت الاول .. إيه رأيك لو نخطبلك
بنت عمك لمياء .. أهي تربية ايدينا
راشد : ابن حلال يا جدو .. ده الموضوع اللي جاي أكلمك فيه أنت ووالدتي
الجد : موضوع ايه
راشد : الجواز يا جدو
الجد : من مين
راشد : من لمياء بنت عمي انتي نسيت يا جدو
الجد : انا كنت عارف بس عاوز اطمن
سهام : صحيح ده خبر كويس .. لما أبلغ والدك
الجد : لا
سهام : ليه
الجد : من غير ليه .. تعالى يا راشد نناقش الموضوع ده بالتفصيل في مكتبي
( يخرج الجد وراشد . تدخل سيدة)
سيدة : أحضر الغدا يا ستي (صمت) ستي
سهام : نعم يا سيدة
سيدة : مالك يا ستي
سهام : مفيش
سيدة : أحضر الغدا
سهام : تعالي نحضره سوا ( تخرج سهام )
سيدة : وبعدين أنا زهقت من البيت الكئيب ده .. كلهم جايين علي سي فتحي الراجل
السكره .. قال عشان اتبس .. طب ماهو خد جزاته .. المفروض أنهم يسامحوه اللي
خلي البلد سامحته وسابته يروح لبيته .. ولا هو لازم يتحبس طول عمره عشان
والده وابنه يسامحوه .. غريبة والله .. بريه من اللواء شوقي وعمايله في ابنه .. بس
لواء معناها ايه .. مش هو اللي بيجي في الافلام ويقول بعد ما يبرم شنباته (تقلده)
مين هناك .. الا هما ما عدوش بيمشوا في الشارع ليه زي افلام زمان .. يوووه
وانتي مالك يا بنت يا سيدة (تسمع صوت سهام تناديها) ايوه يا ستي .. نسيت ستي
في المطبخ وقاعدة ارغي مع نفسي ( تخرج . يدخل رمزي)
رمزي : عارف يا فتحي ومقدر الظروف اللي انت مريت بيها ..كانت صعبة وقاسية
فتحي : صعبة وقاسية عمرها ما توصف احساس انسان اتسجن ظلم لانه أدي دوره
كضاب شرطة شريف .ز كانت الأيام بتمر عليه بصعوبة ..كنت بأحسب اليوم
بالدقائق والثواني .. والثانية في السجن تمر علي المظلوم زي التعابين بتنهش
جسمه وتحرق قلبه وخصوصا في الليل لما يا صاحبي المساجين كل واحد مهم
ينام مع جرحه وتبقي لوحدك حاضن حزنك .. ساعتها تبقي كل فكرة أو ذكري
لحظة ظلم مرت بيك .. سوط بيلسعك .. ومش قادر تقول آه نفسي أصرخ ..
نفسي أبكي
رمزي : بس أديك خرجت عيش حياتك وانسي
فتحي : بعد ما سلبوني عملي ووالدي وابني وشرفي
رمزي : اشتري واحد بداله
فتحي : (مندهشا) ايه
رمزي : روق يا فتحي و بلاش تجلد نفسك .. الحياة فاردة لك دراعاتها
فتحي : جربت طعم الظلم
رمزي : (مغيرا الموضوع) شفت الاحتفال بالألفية الجديدة .. ياه صواريخ كانت منورة
السماء .. هيه دي الحضارة (ساخرا) وهو ده اللي عاجبني في البلد
فتحي : (مستمرا في حديثه) انك تبقي منبوذ من أهلك .. إن ابنك يبقي جلادك
رمزي : الدولة صرفت ملايين الدولارات علي احتفال بالهيافة دي .. وزي ما بتصرف
ملايين علي مدربين كورة أجانب ومعسكرات تافهة .. صرفت ملايين الدولارات
علي مخرج الاحتفال الاجنبي
فتحي : كرهت الحياة كرهت كل شيء
رمزي : تفتكر اننا خلاص فلسنا وما عدش عندنا مبدعين بقي كل اللي عندنا شوية
منظرة .. تفتكر لو فيه حد بياسب الدولة .. كانت صرفت الفلوس
بالعشوائية دي .. ياه لو الواحد هبر له هبرة من الفلوس دي
فتحي : انت بتتكلم عن ايه ؟
رمزي : هه لا أبدا انت غلطان يا فتحي .. تمسكك بالشرف والعمل الوطني هو اللي
خلق لك أعداء
فتحي : وايه يفضل للانسان بدون شرف (يدخل الجد) وحماية الوطن
الجد : يفضل خيانة الوطن .. خيانة الأمانة
فتحي : كفاية
الجد : خيانة الأهل
فتحي : كفاية
الجد : العار اللي بيلازم الإنسان طول عمره
فتحي : (يصرخ) كفاية كفاية .. انت مصر تعذبني ليه .. حرلم عليك
الجد : لانك لطخت بخيانتك اسم ابوك اللواء شوقي بالعار (لرمزي) خليك قاعد
رمزي : أنا كنت جاي زيارة عابرة وماشي .. حتي اسأل فتي
الجد : كمل زيارتك .. أنا خارج أشم شوية هوا نضيف بعيد عن جو الخيانة اللي هنا (يخرج خارج المنزل)
رمزي : ما تخدش في بالك انت قوي وهتجتجاز الازمة دي (تدخل سهام) بقولك ايه ..
ما تسيبك من قعدة البيت .. وتيجي تشتغل معايا .. أنا فاتح بزار سياحي ..
ببيع فيه الحاجات الأثرية للسياح .. التقليد طبعا
فتحي : ( مترددا ) ايوه بس
سهام : وافق يا فتحي .. اعتبرها حاجة مؤقتة لحد ما تخرج من الأزمة دي
رمزي : أيوه اسمع كلام المدام .. وبعدين فرصة نلم سملنا تاني بعد السنين اللي بعدناها
عن بعض .. انت في ناحية وأنا في ناحية .. وللا ايه يا مدام
فتحي : بس هشتغل ايه وأنا ما أفهمش في الحاجات الأثرية .. أنت عارف أنا كنت بأشتغل
في قوات مكافحة الإرهاب .. قبل ما يحصل اللي حصل
رمزي : يا سيدي الآثار مش متاجة معرفة .. أنا هاعلمك كل حاجة .. بس انت
طاوعني واشتغل معايا (تدخل سيدة)
سيدة : صحيح يا ستي (تري رمزي . تخجل) يوه يا ستي هو لسه سي الضيف هنا
سهام : عاوزة ايه يا سيدة
سيدة : أيوه يا ستي .. الواد البقال اللي فاتح علي الناصية .. بيعاكسني في الرايحة
والجاية فضل يقولي انتي قمر واللي خلقك ما خلقش زي في الجمال والرقة وكلام من ده
فتحي : وانتي ما ااديتهوش علي عينه ليه
سيدة: اديته طبعابس قال كلام ينرفز
سهام : كلام ايه
سيدة : قالي (مترددة) الظاهر انك اتجننتي زي اللي مشغلينك
رمزي : ده باين عليه اتجنن
سيدة : وفال إن البيه الكبير مش عارف إن الرب انتهت من زمان .. و إنه طلع علي
المعاش .. وماشي بزيه العسكري في الشوارع يحكي للناس عن أمجاده اللي
الناس ملت سماعها
فتحي : وايه كمان
سيدة : وإن سعادتك قطع لسانه .. حرامي وقاعد علي فلوس متلتلة .. مستني لما لك الفرصة و تقب بيها علي وش الدنيا
فتحي : (يهم بالخروج) القذر هاقتله
رمزي: لا يافتحي القتل مش هيسكت الناس كلها .. بالعكس يمكن يزود الكلام أكتر (تدخل لمياء)
لمياء : (لسهام) ماما أنا جعانة قوي (تري رمزي) هو فيه ضيوف
رمزي : (بإعجاب) لا أبدا .ز خدي راحتك .. انا صديق فتحي بيه (لفتحي) القمورة دي بنتك
يا فتحي
فتحي : هيه زي بنتي فعلا .. دي بنت أخويا المرحوم المقدم مدي .. بتدرس في السنة
النهائية بالكلية
لمياء : استاذن أنا دلوقتي يا عمي (تخرج)
سيدة: هيه الكارتونة دي بتاعة مين
رمزي : ياه كنت هانساها
سيدة : باين عليها مليانة خير
سهام : وانتي مالك .. تعالي ورايا .. وبلاش غلبة (تخرج)
سيدة: حاضر (تتحرك بدلال وتبتسم لمزي ) جايه (تخرج)
رمزي : تعالي لما اوريك التحف اللي في الكارتون (يحضرها ويفتحها) بص وملي عنيك
فتحي : تحف جميلة جدا
رمزي : (متعجبا) تحف .. فعلا دي تحف .ز لزه مش كده .. أهو أنا البازار بتاعي
أنا وصاحبي راجل طيب كده زيك .. كله تحف لوة كده
فتحي : (يمسك تمثال صغير بين ايديه) تمثال رائع .. اكتر شيء بيحيرني هو ازاي
الإنسان اللي قادر علي ابداع الأشياء العظيمة بأنامل ذهبية قادر برضه علي
التدمير والقتل والظلم بأنامل متوحشة وقاسية
رمزي : ما هيه دي الرسالة اللي باحملها علي أكتافي (بنفسه) لحد ما كتفي ورم .. بعد
كده هاجيب شيال يشيل معايا
فتحي : رسالة ايه
رمزي : نشر الجمال في العالم كله .. عن طريق تصدير التحف الجميلة اللي بتمثل
حضارتنا لكل أنحاء العالم .. بكده العالم يحب الحضارة
فتحي : (يتامل تمثال صغير) هيه دي تحف أصلية
رمزي: أصلية أصلية ايه يا راجل وقعت قلبي .ز دي تحف بأعملها أنا وواحد شريكي
بيحب الجمال برضه
فتحي : متأكد إن دي مش آثار
رمزي : طبعا مش آثار .. شوفت مخك وداك لفين (صمت) تحب تشترك معانا
فتحي : بإيه ما أنت شايف .. أنا علي الحديدة
رمزي : مش مهم الفلوس ... انت هتسافر معايا لناس نعرفهم .. عملاء لينا في
الخارج هتوصل لهم التحف دي .. طبعا غير العملاء اللي لينا هنا وبعد ما اعرفك
عليهم تروح ليهم وحد
فتحي : أسافر وحدي
رمزي : أنا هأكون مشغول مع شريكي هنا بالبحث عن التحف وصناعتها انت ناسي
(يدخل الجد) فيرتبك رمزي ويغلق الكارتونة (يدخل خلف الجد مجموعة من
الرجال كبار السن يلبسون زي عسكري وشارة [اللواء] علي أكتافهم)
الجد : تعالوا ادخلوا ( لرمزي ) انت لسه هنا .. وإيه الكارتونة دي (لاصدقائه) اجلسوا
فتحي : (لرمزي) تعالي نقعد جوه
رمزي : لا أنا هاروح مشوار وجاي تاني
الجد : (لرمزي) خليك قاعد معانا .. انا أحب أقعد مع الأغراب .. أكتر ناس بيثروني
الأغراب بيدوك لذة غريبة .. لذة الإكتشاف علي ما أظن .. اقعد اقعد عانا
رمزي : لا شكرا
الجد : (آمرا) افعد (يجلس رمزي) الظاهر انك مش عاوز تقعد معانا عشان احنا عواجيز
اللواء1 : هما كده الجيل الجديد رافض يتعامل مع الجيل القديم ويستفيد من خبراته
اللواء2 : مع إن الحياة لا تستقيم إلا بالتواصل بين الأجيال
اللواء3 : أنا فاكر إن في معركة التحرير مع الصهاينة .. شظية طيرت سمانة رجل أحد
الجنود البواسل .. يومها قال أنا استطيع ان أعيش بدون سمانة أما الوطن فلا
رمزي : (مفزوعا) صحيح سمانة الوطن أهم
اللواء 1: دايما تذكر الحكاية في كل وقت وفي كل مرة تحكيها بشكل مختلف .. أما أنا فقد
أحد أصدقائي أطراف يديه .. فوقف علي (رمزي يمسك يده) قمة تبه و
هو يصرخ بأعلي صوته لقد أهديت أطرافي للوطن وغدا سوف تنبت لي
أطراف الحرية
رمزي : وطلعت له اطراف الحرية
اللواء1 : (يتفحص وجهه) انت شبهه .. وريني أطرافك (يسحب رمزي يده)
الجد : انت قلت نفس الكلام للبقال والعجلاتي وكل اللي قابلتهم قبل كده
اللواء 2 : أما انا كنت قائد سلاح الدفاع الجوي .. وشوفت زملائي بيتحرقوا بالنابالم وانا
واقف عاجز مش قادر امدلهم يد العون (يسد أذنيه بيديه) صوتهم و منظرهم
وهما بيحاولوا يخرجوا من بين النيران المشتعلة حولهم وفي أجسادهم منظر
مفارقش مخيلتي لحد دلوقتي
اللواء 1 : أهوال حرب أكتوبر لازم الاجيال الجديدة تعرفها ويهتموا بيها عشان يعرفوا
معني الانتماء للوطن
اللواء2 : الانتماء مش كلمة
الجد : ممكن نقعد زي الشاب ده (مشيرا لرمزي) التعب بيحل بجسمي بسرعة
من بذل أي مجهود ولو كان المشي بضع خطوات وكأني خضت معركة حربية
اللواء2: التهاردة مستعد اني اتفوق عليكم كلكم
الجد : ها ها .. وأنا موجود ما افتكرش
اللواء1 : انت ناسي اني حققت تفوق عليكم في المعركة الأخيرة
الجد : مرة من نفسك
اللواء3: احنا فيها المرة دي نشوف مين اللي هيغلب .. هاتوا الذخيرة
رمزي : (يقوم خائفا) طب اترككم انا في ساحة المعركة عندي عيال عاوز
اربيهم اقصدي عندي مشوار مهم .. استأذن
الجد: لا اقعد زي ما كنت .. عشان تكون شاهد علي تفوقي عليهم
رمزي : حاضر (جانبا) انا ايه اللي جابني عش المجانين ده (لفتحي) ما تسبنيش
وحدي وسط المعركة وتهرب ارجوك
فتحي : ما تخافش
الجد : (ينادي) يا بت يا سيدة .. انتي يا بت .. هاتي الذخيرة من عندك
سيدة : (تحضر الشطرنج) انا جاية.ز ومحضرة لم كل حاجة الريس والوزير
وسي اللواء .. وكل الذخيرة اللازمة
الجد : عظيمة البت سيدة .. آه لو كنت صغير حبتين وفيه شوية صحة كنت
اتجوزتها
سيدة : (لنفسها) الحمد لله (تخرج)
رمزي: (متعجبا) شطرنج
الجد : ايوه شطرنج .. أنت كنت فاكر ايه .. طبعا الجندي لازم يكافح بشرف في الجندية
وفي الشطرنج قصدي الحياة .. بعد ما يطلع علي المعاش
اللواء1 : لو كنت حضرت حرب التحرير .. كنت اتمنيت ان البشرية كلها ماعرفتش
غير سلاح الشطرنج
اللواء2 : الشطرنج بيعلمك الفن والإبداع والهدوء
اللواء3 : أنا ملاحظ ان حضرة الضابط السابق فتحي قاعد ساكت ما بيتكلمش ..
وجودنا مضايقك ولا ايه
اللواء 1: الظاهر إن رجال الشرطة اليومين دول واخده موقف من أبطال الجيش
الجد : الضباط الخونة لبلادهم بس
فتحي : أنا أديت واجبي زي أي وطني شريف (تدخل سهام)
سهام : عمي لو سمحت .. أنا محضره المكان في الجنينه
الجد : عشان خاطرك يا بنت أخويا يا غالية (لاصدقائه) يللا يا جنود الوطن البواسل ..
هننقل مسرح العمليات لمكان تاني ( يخرجوا )
فتحي : ليه مصر يعذبني ويهيني في كل مناسبة ليه بيكرهني
بالشكل ده
سهام : اعذره يا فتحي .. ابوك بيتألم عشانك
فتحي : بيتألم (صمت) وأنا ما بتالمش .. ليه كل واحد ما بيشوفش غير جرحه بس ..
ليه محدش بيس بألمي انا كمان
سهام : كده برضه يا بن عمي .. وانا مش بشاركك همك و آلامك
فتحي : وجودك جنبي بيعذبني
سهام : أنا
فتحي : أيوه نظرات الشفقة في عينيكي بتقتلني (صمت) أيوه بتقتلني .. نظراتكم كلكم
بتقتلني .. عشان كده قعدت في أوضه جوه خايف وقفلت علي نفسي
عشان اتقي نظراتكم .. ليه بتجلدوني بعنيكم .. ابعدوا عني وارحموني
رمزي : فتحي انت مسكين بالفعل .. مسكين لأنك انتظرت الشفقة والرحمة والحب من
ناس ما تعرفش غير انها تدوس الضعفاء .. يا صديقي مساحة الحب والرحمة
ضاقت في قلوب الناس و اختفت .. ارمي ضعفك وراك وواجه مشاكلك بقوة
وعزيمة .. تهابك الناس
فتحي : أواجه ايه واللا ايه .. أنا في دوامة لا ليها بداية ولا نهاية
رمزي : ليها بداية وليها نهاية .. بدايتها لما اتلفقت ليك تهمة واترفدت من شغلك ..
ونهاية انك تشتغل وتشوف لنفسك حياة جديدة موافق (يهز رأسه بالموافقة) ممتاز ..
ادخل جهز نفسك عشان تخرج معايا من أسرك وتستلم شغلك الجديد
( يخرج منكسرا مع سهام ) الناس دي لقطة .. ممكن الواحد يستغلهم .. الفيلا
دي ممكن تبقى كلها مخزن آثار مسروقة .. قصدي تحف أصلية .. و أهو
حضرة الضابط المرفود و السجين سابقا ينفع تغطية لنشاطنا الحقيقي ..
ولو اتمسك أكيد هيقدر يطلع منها من خلال حبايبه في الداخلية .. ولو ما قدرش
.. الحبس مش جديد عليه .. بس الراجل الكبير اللي عايش في دور البطل المغوار
بتاع الشطرنج .. ممكن يبوظ الشغل بتاعنا كله ويكشف المستور .. لا .. لازم
أكسبه في صفى .. والولد المغرور راشد .. بسيطة طول ماهو علي خلاف مع
والده يبقي مافيش مشاكل .. في الحالة دي (صمت) الله أنا سامع صوت حد جاي .
. لما اقعد بعيد (تدخل لمياء وخلفها راشد)
راشد : استني هنا وقولي (تقف) ايه سبب رفضك ليه .. فيه حد في حياتك (صمت)
لمياء ارحميني وانطقي (صمت) ارجوكي .. لمياء مش ده كان حلمنا من زمان .
. ما تقولي حاجة .. انفاسك بتحرقني .. ارجوكي يا ملاكي كمنيني انطقي
لمياء : اقول ايه
راشد : ايه اللي غيرك فجأة
لمياء : عاوز تعرف فعلا
راشد : أكيد
لمياء : لأن قلبك ما عدش فيه مكان للحب
راشد : أنا .. قلبي عمران بحبك
لمياء : اللي يكره والده ويحاسبه علي أعماله .. لايمكن يكون قلبه عمران بالحب زي ما
تكون نسيت إن لك أب .. عاوز تلغي سبب وجودك من حياتك .. وتعيش بدون جذور
راشد : تصدقيني لو قلتلك اني كنت أتمني لو مكانش ليه أصل او جذور (صمت) تمنيت لو
اني لم أولد
لمياء : يا خسارة يا راشد .. الإنسان كل ما يكبر بتزيد مساحة فهمه للحياة .. ويتعامل
مع الأمور بنضج أكتر .. وتسامح أكبر .. وأنت الأيام بتزود قسوتك علي أقرب
الناس ليك .. صعب إني أئتمنك علي حياتي أو أربط مستقبلي بمستقبلك
راشد : بس أنا بحبك
لمياء : وأنا بكره ضعفك
راشد : بس أنا مش ضعيف (يتكلم بحركات واشارات عصبية) انتي مصرة تلخبطيني ليه ..
انا طول عمري بفكر في الامور بمنطق مش بعواطفي
لمياء : (مقاطعة) للأسف منطقك هو انك ترضي جدك وتنفذ أواره بدون تفكير .. شيل
الستارة السوداء اللي حطها جدك علي عينك وحاجبة الدنيا عنك .. ما بقاش عندي
كلام تاني (تخرج لمياء)
راشد : (مواصلا حديثه . يخرج رمزي متسللا . يقف خلفه) لمياء أنا معذور من يوم ما
فتحت عيني مشفتش قدامي غير جدي هو اللي رباني هو النضارة اللي شوفت من
خلالها الدنيا .. لمياء (يلتفت يجد رمزي ) انت مين وقاعد هنا من امتي وفين لمياء
رمزي : دول سؤالين مش سؤال واحد .. أنا مين .. رمزي صديق الطفولة لوالدك .. قاعد
من امتي .. ساعة تقريبا
راشد : يعني سمعت
رمزي : سمعت كل شيء
راشد : مين أداك الحق .. تتجسس علينا
رمزي : لو سمحت انا متجسستش عليك .. انتوا اللي دخلتوا هنا و أنا قاعد وكان كلامكم
ملتهب .. ما رضيتش أقاطعكم
راشد : وعاوز ايه
رمزي : استني (يتوقف) من حق الابن أنه يثور وينفعل لما يصدم في والده .. لكن اللي مش
من حقك أنك تعين نفسك قاضي و سجان لوالدك طول عمره .. خاصة أنه أخد
جزائه .. مظلوم بريء ده في علم الغيب .. المهم أن الأبن والأب رابطة أبدية ..
قدر بنشيله علي ضهرنا ويشيلوه ابناءنا طول عمرهم .. وما حدش يقدر يهرب من قدره
راشد : ارجوك سيبني ماتزودش آلامي .. أنا .. أنا تفكيري مشوش الأفكار تتصارع
جوايا .. مش قادر أحكم علي حاجة أو أصل لحكم (يدخل فتحي) تعرف ساعات
بأبقي عاوز أجري وأترمي في حضن والدي .. واطلب منه يسامحني .. لكن
بالأقي ألف حاجز وحاجز بيفصل بينا
فتحي : أنا مسامحك يابني علي الرغم من قسوتك علي والدك .. ومسيرك في يوم تعرف تسامح
راشد : والدي أنا بحبك .. بس مش قادر (يخرج )
فتحي : راشد (يخرج وراءه . تدخل سيدة)
رمزي : مش معقولة
سيدة : هو ايه اللي مش معقول
رمزي : مش معقولة جمالك ده .. لا .. لا .. انتي كده ناوية تجيبي أجلي بسرعة
سيدة : ايه يا جدع ده .. انته هتلبسني قضية
رمزي : ما هو انتي يا حبيبتي غلطانة .. حد يمشي يجرح في قلوب الناس كده
سيدة : ما بلاش الكلام ده .. سرف البنت زي عود الكبريت ما بتشوفش التلفزيون
رمزي : دي البنت
سيدة : انت هتلخبط يا جدع انت
رمزي : انتي فهمتيني غلط .. أنا مش قصدي اللي في بالك ده .. انا قصدي انتي ملاك مش عود كبريت وولاعة وبوتاجاز
سيدة : قول كده خضيتني
رمزي : سيدة أنا من ساعة ما شوفتك .. شوفت مستقبلي في عينيكي .. لاقيت نفسي في وجودك
سيدة : (برقة) رغم اني مش فاهمة حاجة .. بس كلامك حلو
رمزي : شفتي انك ظلمتيني
سيدة : طيب وآخرة الحب ايه
رمزي : (لنفسه) هو احنا بدينا .. استحمل يا واد عشان الورد اشرب القطران (لسيدة)
أخرته حلوة .. بس الفلوس يا حبيبتي
سيدة : حبيبتي (لنفسها) الظاهر انك لاقيتي فارس الأحلام يا بنت مش مصدقة نفسي
(لرمزي) بس الفلوس مالها ومالنا
رمزي : الفلوس هيه العقبة الوحيدة في طريقنا .. تصوري لو معانا قد عشرين ثلاثين الف جنيه
سيدة : ايه الشاعرية دي .. بقي عشان نتلم عاوزين المبلغ ده كله
رمزي : (لنفسه) نتلم (لسيدة) اللمة صعبة اليومين دول .. عموما انا ممكن ندبرهم بسرعة
لو فتحتي مخك معايا
سيدة : ازاي
رمزي : انتي عارفة اني بتاجر في التحف الفنية ..
سيدة : مش فاهمة حاجة .. بس كمل
رمزي : التحف عاوزة مكان تتخزن فيه بعيد عن عيون الناس
سيدة : واشمعني بقي بعيد عن عيون الناس .. مش بعيد عن الرطوبة مثلا
رمزي : لانها تحف غالية وأنا دافع فيها دم قلبي .. يعني لو حد شافها وسرقها .. هيتخرب بيتي
سيدة : وأنا دوري ايه في الحكاية دي
رمزي : توفري مكان نخزن فيه الحاجات المهمة بس .. انتي مثلا أكيد .. عندك مكان
تعرفيه صح
سيدة : المكان هاجيبه منين .. أنا ماليش غي الدنيا دي غير الأوضة اللي بنام فيها
رمزي : برافوا عليكي .. الأوضة اللي بتنام فيها .. تقدري تشيلي مثلا الكارتونة الصغيرة
دي فيها
سيدة : بس لو عرف سيدي البيه الكبير هيقتلني .. لا يا عم .. مش عاوزة اتجوز .. انا
عاوزة أعيش .. وبعدين ما تكلم البيه فتحي اهو علي الأقل بيه زيهم وعنده أوضه
اكبر من بتاعتي .. وده غير أنه صاحبك
رمزي : فتي غلبان مشاكله كثيرة مع البيه الكبير .. ومش عاوزة احمله اكتر من طاقته ..
وانتي هتخافي عليها اكتر منه لانها حاجة ملكك .. ملكنا انا وانتي
(يسمع صوت فتحي وراشد) خلاص روحي شيلي الكارتونة دي دلوقتي
(تحمل سيدة الكارتونة) خدي بالك لتتكسر (تخرج . يدخل راشد وفتحي)
فتحي : اقعد مع نفسك يابني وفكر .. انا مش مستعجل
راشد : اوعدك (يخرج راشد وفتحي . الجد و أصدقائه)
رمزي : الحمد لله شفت سعادتك
الجد : خير اقعد
رمزي : بقي عاوزني اقعد مع مع ابطال التحرير في مكان واحد وما ابقاش سعيد
الجد : باين عليك ولد منافق .. بس ده ما يمنعش ان احنا عملنا كتير عشانكم
رمزي : انتوا الخير والبركة يا باشا
اللواء1 : شباب اليومين دول خرع .. مالوش هدف .. عاوز يكسب من غير تعب
مبيفكرش غير في نفسه
رمزي : رغم اني عديت سن الشباب .. لكن شباب اليومين دول ياباشا شباب يائس
لأن الظروف الإقتصادية اقوي منه .. و لأنه شاف ان الشباب اللي عبروا زيكم ..
بعد الحرب وجدوا انفسهم في الشارع بيدوروا علي وظيفة تسترهم .. في حين
ان مكاسب الحرب اتوزعت علي الكبار .. أما مسالة مالوش هدف دي مشكلة
خلقها المجتمع اللي أصبح عقيم .. ابطاله من ورق .. ومشاريعه وهمية .. بلد ماشية
من غير تخطيط واللي قاعد علي الكرسي مش عاوز يسيب الفرصة لغيره ..
بيفضل متبت فيها بأسنانه لحد ما يركب طقم سنان وبرضه متبت
اللواء2 : كلام فاضي .. الدولة عملت ليكم مصلنع .. عشان تلمكم من الشوارع
رمزي : وباعتها ورجعنا في الشوارع تاني
اللواء1 : انت انسان لاتطاق .. عاوز الدولة تعملكم ايه .. تفضل حاطة الشعب طول عمره
في حضانة القطاع العام .. كل انجاز تعملوا البلد تفطسوه
رمزي : لان الدولة بتخطط بعشوائية والانجازات اللي بتعملها الدولة عمرها ما خدت
راي الشعب .. رغم ان الشعب بيدفع التمن من دمه و قوته .. زمان كانت السرقة
عار دلوقتي بتم قدام الناس وبمباركة الكبار .. السرقة دلوقتي شرف بيتسابق
عليه الكل
الجد : باين عليك سليط السان بس يعجبني اعتزازك بنفسك وتمسكك بالشرف
(يدخل راشد) حفيدي العزيز .. تعالي جنب جدك (يجلس راشد) قولي يا حبيبي
عملت ايه في قضية المخدرات الأخيرة
راشد : الحقيقة فيه قضية ميراني
الجد : قضية ايه .. قول لجدك .. أنا أحب الحاجات اللي فيها فوازير
راشد : بس الفزورة صعبة جدا المرة دي .. لانها تمس أقرب الناس ليه
الجد : مين قولي حد جري له حاجة .. قول
رشاد : المشكلة يا جدي ان معدنك الطيب ما يظهرش إلا في المواقف الصعبة .. جدي ليه
ما تبقاش طيب وحنون علي طول
الجد : مالك يا بيبي انت تعبان .. حاجة وجعاك قولي
راشد : جدي .. أنا متأكد ان والدي
الجد : (مقاطعا) والدك ايه اللي جاب سيرته
راشد : جدي والدي ده يبقي ابنك .. وده قدرك اللي ما تقدرش تهرب منه .. ووالدي ده
قدري اللي ما اقدرش اهرب منه لازم نواجه الحقيقة دي
الجد : وايه لمطلوب مني
راشد : التسامح
الجد : تسامح
راشد : ايوه عشان اقدر اسكت الأفكار اللي بتنهش عقلي كل يوم .. رجع السلام يا جدي
لحياتي .. فيه جزء في حياتي مطمور تحت أرض مزروعة حزن ونقمة
الجد : انا (تدخل سهام ولمياء)
سهام : راشد .. عمي.. فتحي ساب البيت
راشد : ايه
رمزي : اصل معايا (صمت) مش عارف .. انا محرج منك قوي
فتحي : قول يا رمزي قول يا خويا .. احنا ما فيش بينا فرق
رمزي : معايا كرتونة .. بره
فتحي : معاك كرتونة وسايبها بره .. ده كلام دخلها يا راجل لحسن تزعل
رمزي : مين هيه دي .ز واضح ان الفترة اللي قضيتها في البيت نسيتك اسامي
الناس .. الكرتونة مش حد معين .. كرتون كرتونة
فتحي : ايوه كرتونة كرتونة اللي بيشيلوا فيها الحاجات .. لامؤاخذة يا رمزي اصلي
نسيت الاسماء
رمزي : مش مهم الاسماء .. ده حتي الاسماء بتلخبط الواحد
فتحي : عشان كده قررت أنسي كل شيء وكل اسم (صمت) كده افضل
رمزي : ارمي يا اخويا الدنيا ورا ضهرك .. هه .. هه .. هه هو حد واخد منها حاجة
( تدخل سهام)
فتحي : ده رمزي صديق الطفولة .. بس الايام فرقتنا
رمزي : واهي جمعتنا تاني (لفتحي) دي مدام سهام .. انا فاكر ان اول مرة وآخر مرة
طبعا شفتها فيه كانت ليلة فرحكم في نادي الشرطة .. كان فرح مهول .. كنت فيه
زي الفرسان اللي بنسمع عنهم في الرويات أما المدام فكانت فلقة قمر .. كل
الموجودين كانوا بيقولوا كده
سهام : ياااه ده عمر تاني .. انت لسه فاكر
فتحي : خلينا في المهم .. انت النهاردة هتتغدا معانا .. وانتي يا زوجتي العزيزة حضري
غداء محترم يليق بصدايق الطفولة
سهام : ساعة و الغدا يجهز (تخرج)
فتحي : انت دخلت الكرتونة وللا لسه
رمزي : حالا (يخرج رمزي ، يدخل حاملا كرتونة . يضعها بجوار الباب) شكرا يا عزيزي
فتحي : ده أنا اللي أشكرك .. إنك الوحيد اللي افتكرتني بعد ما كل اللي أعرفهم قاطعوني ..
بعد ما سجنوني ظلم
رمزي : احنا اصدقاء ومفيش اجة ممكن تفرقنا
فتحي : تعالي نقعد جوه افرجك علي البوم صوري لما كنت في الشرطة
( يخرجوا . تدخل سيدة وسهام )
سهام : ( تناولها ورقة) عاوزاكي تشتري الحاجات دي بسرعة .. أوعي تتأخري عشاان
سيدك فتحي عنده ضيوف النهارده
سيدة : هو يا ستي .. احنا نطول نخدم سي البيه وسي الضيوف اللي معاه ( لنفسها )
الحمد لله جه حد أخيرا وسأل عن سي فتحي .. الحمد لله يا ستي انه نووي أخيرا
يخرج من وحدته .. دا قاعد علي طول في أوضته ما بيخرجش منها إلا للشديد القوي
.. ولا بيكلم حد غير سيادتك .. معزول عن الدنيا يا حرام .. بيتهيألي إنه لو خرج
في الشارع دلوقتي لوحده يتوه
سهام : إيه يا بنت الكلام ده .. اوعي أسمعك تتكلمي تاني عن البيه كده .. يالا روحي
بسرعة تشتري الحاجات اللي قولت لك عليها وبلاش غلبه
سيدة : حاضر يا هانم .. بس أنا والنبي صعبان عليه حال البيه من ساعة ما اتحبس ظلم
وهو حاله لايسر عدو ولا حبيب
سهام : مفيش اضعب في ادنيا من كسرة نفس الرجل الحر .. بتهدده وتفقده الثقة بالنفس ..
يوه يا سيدة متقلبيش عليه المواجع
سيدة : ما انتي يا ستي بتتوجعي كل يوم .. تفتكري انا ما باحسش بيكي وأنتي سهرانة قدام
باب سي فتي .. زي ما تكوني بتعدني أنفاسه .. خايفه ليعوز اجة حتي في احلامه
وما يلاقيش حد جنبه يلبيها له ما تتصوريش أنا حبيت سي فتحي .. زي أخويا
طبعا من حبك واخلاصك ليه
سهام : روحي يا سيدة وهاتي البيه الطلبات اللي قولتلك عليها
سيدة : ( مستمرة في حديثها) حازز في نفسي الفرقه اللي شايفاها في البيت بين سي
فتحي والبيه الكبير سي راشد .. معقوله يا هانم حتي السكرة سي راشد يقاطع
والده سي فتحي
سهام : ( معنفه) قولت متتدخليش في اللي مالكيش فيه .. يلا روحي اشتري الاجات اللي
قولت لك عليها ( تخرج سيدة . تدخل لمياء )
لمياء : فيه ايه يا ماما سهام .. بتزعقي لمين
سهام : ما فيش يا حبيبتي
لمياء : لا فيه .. مش ممكن القمر ده يتنرفز من غير سبب .. هتخبي عن حبيبتك لمياء
سهام : تخيلي البنت سيدة بقت بتتكلم في شئون البيت
لمياء : سيدة مخلصة لينا .. اكيد زعلانة من اللي شايفاه بيحصل لينا .. بابا فتحي في
جنب وجدو وراشد في جنب تاني .. وانا وانتي واقفين في النص محتارين ازاي
ننهي البعد والجفوة دي .. عشان كل حاجة ترجع لاصلها
سهام : آه .. تعبت يا ربي حمل تقيل
لمياء : سلامتك يا ماما .. أنا آسفة .. انا زودتها ودست علي الجرح .. وانتي فيكي اللي
مكفيكي .. كفاية انك ربتيني بعد ما توفي والدي امي وابويا .. كنتي نبع حنان
مهما غرفت منه عمره ما يجف
سهام : ايه يا بنتي اللي بتقوليه ده .. لو فيه فضل فهيكون ليكي
لمياء : بحبك قوي يا احلي ام
سهام : متتصوريش انتي يا بنتي سلوتي الوحيدة في الدنيا .. مش عارف من غيرك كان
ممكن اعيش ازاي في بيت زي ده .. امك كانت اختي مش مرات اخو جوزي
الله يرحمه .. انتي من اب وام يفتخر اي حد انه يعرفهم .. مش عاشرهم زي ..
اوعي تقولي كلام زي ده تاني .. زدلوقتي اتفضلي من غير مطرود علي جامعتك
لمياء : مش قبل ما اشوف ابتسامتك الحلوة الاول (تبتسم ) اهو كده الواحدة تروح
الجامعة بنفس .. مع السلامة يا ماما .. مش هتاخر ( يدخل الجد )
الجد : بنت ابني الشهيد .. حبيبة جدو .. لابسة ورايحة علي فين
لمياء : رايحة الجامعة يا جدو
الجد : بالتوفيق يا بنتي ( تخرج لمياء)
سهام : وانتي لابس بدري ورايح علي فين
الجد : رايح لابني
سهام : فتحي ماله
الجد : فتحي مش ابني .. انا رايح لابني الكبير الشهيد حمدي ( باكيا) ازوره هو ومراته
في قبرهم .. الله يرحمك يا حمدي كان بار بيه .. شرف اسم اللواء شوقي ..
عزائي الوحيد عنه انه سايب حاجة من ريحته .. لمياء الزهرة الجميلة .. الشمس
اللي بتنور حياتي كلها .. وانتي طبعا يا بنتي
سهام : إمتي هترضي يا عمي عن فتحي
الجد : ما تجبيش سيرة الولد ده قدامي .. ده وباء .. أنا عارف انتي مش طالعة لابنك راشد
ليه .. ( لنفسه ) يا ريتني كنت سبته دخل الكلية اللي عايزها ولا كان دخل
الشرطة وجاب ليه العار
سهام : يعني عاجبك أنه مقاطع والده ومش عاوز يكلمه
الجد : راشد ده تربية ايدي .. كبر في حضن جده الوقت اللي كان والده فيه محبوس
بتهمة مخلة بالشرف
سهام : انت عارف أنه مظلوم
الجد : مظلوم .. انتي تعرفي ايه عن الظلم .. الظلم الحقيقي هو اللي عمله الولد ده في بلده
وفي ابنه وفي اسمي لطخنا كلنا بالعار
سهام : مهما ماكان ده ابنك
الجد : أنا ماليش غير ابن واد واستشهد ابني اللي شرف اسمي .. لكن فتحي خاين ( يخرج )
سهام : يارب تهدي النفوس .. وتتصافي ( تدخل المنزل وسيدة وخلفها راشد) انتي جيتي
يا سيدة ( تلمح راشد ) راشد انت لسه فاكر ان لك أم
سيدة : قلبه جر يا ستي
راشد : اعذريني يا امي .ز الشغل واحد كل وقتي .. انتي عارفة شغلة المحاماه صعبه قد
ايه ..جدي فين وحشني قوي
سهام : وابوك ما اشتقتش ليه
سيدة : يشتاق ليه ازاي .. ما هو كبر خلاص وما عدش بيفكر غير في نفسه بس
راشد : مش قادر يا امي .. حاسس فيه حاجز كبير بيني وبين والدي حاجز من خيبة
الامل .. والإنكسار اللي باحس بيه كل ما حد يسألني عن اسمي وساعتها افتكر إني
لازم أتكلم أقوله إني ابن خاين و ..
سهام : ما تكملش .. انت نبت شيطاني أبوك أعظم أب في الدنيا .ز اللي رباك عليه جدك
من الكراهية .. غلطة كبيرة .. غلطة شاركت فيها بجهلي .. كان لازم أول
ما اتحبس والدك .. أخذك بعيد عن جو الكره ده .. واروح بيك لمكان تتنفس
فيه هواء نضيف تعرف فيه معني كلمة أب .. اخص عليك
سيدة : كان لازم تضربيه ياستي
سهام : ( بعصبية ) أنتي واقفة هنا ليه .. ادخلي جوه (تخرج سيدة . يدخل الجد)
ما روحتش تزور حمدي
الجد: حاسس ان رجلي مش قادرة تشيلني
راشد : سلامتك يا جدي .. أجيب لك دكتور
الجد : لا أنا هبقي كويس .. كنت فين اليومين اللي فاتوا يا اونطجي
راشد : كنت بأجول وأصول في المحاكم .. زي ما انت جولت وصولت في حرب اكتوبر
يا أعظم مقاتل في التاريخ الحديث والقديم . . أعظم من نابليون حتي
الجد : طالع بكاش الولد ده .. ما تغبش عن جدك لسن تيجي تلاقيه في يوم مات
سهام : سلامتك يا عمي
راشد : تموت ازاي والعروسة اللي أنا جايبها لك .. تسيبها لمين
الجد : عروسة لجدك العجوز .. لا أنا عاوز أجوزك انت الاول .. إيه رأيك لو نخطبلك
بنت عمك لمياء .. أهي تربية ايدينا
راشد : ابن حلال يا جدو .. ده الموضوع اللي جاي أكلمك فيه أنت ووالدتي
الجد : موضوع ايه
راشد : الجواز يا جدو
الجد : من مين
راشد : من لمياء بنت عمي انتي نسيت يا جدو
الجد : انا كنت عارف بس عاوز اطمن
سهام : صحيح ده خبر كويس .. لما أبلغ والدك
الجد : لا
سهام : ليه
الجد : من غير ليه .. تعالى يا راشد نناقش الموضوع ده بالتفصيل في مكتبي
( يخرج الجد وراشد . تدخل سيدة)
سيدة : أحضر الغدا يا ستي (صمت) ستي
سهام : نعم يا سيدة
سيدة : مالك يا ستي
سهام : مفيش
سيدة : أحضر الغدا
سهام : تعالي نحضره سوا ( تخرج سهام )
سيدة : وبعدين أنا زهقت من البيت الكئيب ده .. كلهم جايين علي سي فتحي الراجل
السكره .. قال عشان اتبس .. طب ماهو خد جزاته .. المفروض أنهم يسامحوه اللي
خلي البلد سامحته وسابته يروح لبيته .. ولا هو لازم يتحبس طول عمره عشان
والده وابنه يسامحوه .. غريبة والله .. بريه من اللواء شوقي وعمايله في ابنه .. بس
لواء معناها ايه .. مش هو اللي بيجي في الافلام ويقول بعد ما يبرم شنباته (تقلده)
مين هناك .. الا هما ما عدوش بيمشوا في الشارع ليه زي افلام زمان .. يوووه
وانتي مالك يا بنت يا سيدة (تسمع صوت سهام تناديها) ايوه يا ستي .. نسيت ستي
في المطبخ وقاعدة ارغي مع نفسي ( تخرج . يدخل رمزي)
رمزي : عارف يا فتحي ومقدر الظروف اللي انت مريت بيها ..كانت صعبة وقاسية
فتحي : صعبة وقاسية عمرها ما توصف احساس انسان اتسجن ظلم لانه أدي دوره
كضاب شرطة شريف .ز كانت الأيام بتمر عليه بصعوبة ..كنت بأحسب اليوم
بالدقائق والثواني .. والثانية في السجن تمر علي المظلوم زي التعابين بتنهش
جسمه وتحرق قلبه وخصوصا في الليل لما يا صاحبي المساجين كل واحد مهم
ينام مع جرحه وتبقي لوحدك حاضن حزنك .. ساعتها تبقي كل فكرة أو ذكري
لحظة ظلم مرت بيك .. سوط بيلسعك .. ومش قادر تقول آه نفسي أصرخ ..
نفسي أبكي
رمزي : بس أديك خرجت عيش حياتك وانسي
فتحي : بعد ما سلبوني عملي ووالدي وابني وشرفي
رمزي : اشتري واحد بداله
فتحي : (مندهشا) ايه
رمزي : روق يا فتحي و بلاش تجلد نفسك .. الحياة فاردة لك دراعاتها
فتحي : جربت طعم الظلم
رمزي : (مغيرا الموضوع) شفت الاحتفال بالألفية الجديدة .. ياه صواريخ كانت منورة
السماء .. هيه دي الحضارة (ساخرا) وهو ده اللي عاجبني في البلد
فتحي : (مستمرا في حديثه) انك تبقي منبوذ من أهلك .. إن ابنك يبقي جلادك
رمزي : الدولة صرفت ملايين الدولارات علي احتفال بالهيافة دي .. وزي ما بتصرف
ملايين علي مدربين كورة أجانب ومعسكرات تافهة .. صرفت ملايين الدولارات
علي مخرج الاحتفال الاجنبي
فتحي : كرهت الحياة كرهت كل شيء
رمزي : تفتكر اننا خلاص فلسنا وما عدش عندنا مبدعين بقي كل اللي عندنا شوية
منظرة .. تفتكر لو فيه حد بياسب الدولة .. كانت صرفت الفلوس
بالعشوائية دي .. ياه لو الواحد هبر له هبرة من الفلوس دي
فتحي : انت بتتكلم عن ايه ؟
رمزي : هه لا أبدا انت غلطان يا فتحي .. تمسكك بالشرف والعمل الوطني هو اللي
خلق لك أعداء
فتحي : وايه يفضل للانسان بدون شرف (يدخل الجد) وحماية الوطن
الجد : يفضل خيانة الوطن .. خيانة الأمانة
فتحي : كفاية
الجد : خيانة الأهل
فتحي : كفاية
الجد : العار اللي بيلازم الإنسان طول عمره
فتحي : (يصرخ) كفاية كفاية .. انت مصر تعذبني ليه .. حرلم عليك
الجد : لانك لطخت بخيانتك اسم ابوك اللواء شوقي بالعار (لرمزي) خليك قاعد
رمزي : أنا كنت جاي زيارة عابرة وماشي .. حتي اسأل فتي
الجد : كمل زيارتك .. أنا خارج أشم شوية هوا نضيف بعيد عن جو الخيانة اللي هنا (يخرج خارج المنزل)
رمزي : ما تخدش في بالك انت قوي وهتجتجاز الازمة دي (تدخل سهام) بقولك ايه ..
ما تسيبك من قعدة البيت .. وتيجي تشتغل معايا .. أنا فاتح بزار سياحي ..
ببيع فيه الحاجات الأثرية للسياح .. التقليد طبعا
فتحي : ( مترددا ) ايوه بس
سهام : وافق يا فتحي .. اعتبرها حاجة مؤقتة لحد ما تخرج من الأزمة دي
رمزي : أيوه اسمع كلام المدام .. وبعدين فرصة نلم سملنا تاني بعد السنين اللي بعدناها
عن بعض .. انت في ناحية وأنا في ناحية .. وللا ايه يا مدام
فتحي : بس هشتغل ايه وأنا ما أفهمش في الحاجات الأثرية .. أنت عارف أنا كنت بأشتغل
في قوات مكافحة الإرهاب .. قبل ما يحصل اللي حصل
رمزي : يا سيدي الآثار مش متاجة معرفة .. أنا هاعلمك كل حاجة .. بس انت
طاوعني واشتغل معايا (تدخل سيدة)
سيدة : صحيح يا ستي (تري رمزي . تخجل) يوه يا ستي هو لسه سي الضيف هنا
سهام : عاوزة ايه يا سيدة
سيدة : أيوه يا ستي .. الواد البقال اللي فاتح علي الناصية .. بيعاكسني في الرايحة
والجاية فضل يقولي انتي قمر واللي خلقك ما خلقش زي في الجمال والرقة وكلام من ده
فتحي : وانتي ما ااديتهوش علي عينه ليه
سيدة: اديته طبعابس قال كلام ينرفز
سهام : كلام ايه
سيدة : قالي (مترددة) الظاهر انك اتجننتي زي اللي مشغلينك
رمزي : ده باين عليه اتجنن
سيدة : وفال إن البيه الكبير مش عارف إن الرب انتهت من زمان .. و إنه طلع علي
المعاش .. وماشي بزيه العسكري في الشوارع يحكي للناس عن أمجاده اللي
الناس ملت سماعها
فتحي : وايه كمان
سيدة : وإن سعادتك قطع لسانه .. حرامي وقاعد علي فلوس متلتلة .. مستني لما لك الفرصة و تقب بيها علي وش الدنيا
فتحي : (يهم بالخروج) القذر هاقتله
رمزي: لا يافتحي القتل مش هيسكت الناس كلها .. بالعكس يمكن يزود الكلام أكتر (تدخل لمياء)
لمياء : (لسهام) ماما أنا جعانة قوي (تري رمزي) هو فيه ضيوف
رمزي : (بإعجاب) لا أبدا .ز خدي راحتك .. انا صديق فتحي بيه (لفتحي) القمورة دي بنتك
يا فتحي
فتحي : هيه زي بنتي فعلا .. دي بنت أخويا المرحوم المقدم مدي .. بتدرس في السنة
النهائية بالكلية
لمياء : استاذن أنا دلوقتي يا عمي (تخرج)
سيدة: هيه الكارتونة دي بتاعة مين
رمزي : ياه كنت هانساها
سيدة : باين عليها مليانة خير
سهام : وانتي مالك .. تعالي ورايا .. وبلاش غلبة (تخرج)
سيدة: حاضر (تتحرك بدلال وتبتسم لمزي ) جايه (تخرج)
رمزي : تعالي لما اوريك التحف اللي في الكارتون (يحضرها ويفتحها) بص وملي عنيك
فتحي : تحف جميلة جدا
رمزي : (متعجبا) تحف .. فعلا دي تحف .ز لزه مش كده .. أهو أنا البازار بتاعي
أنا وصاحبي راجل طيب كده زيك .. كله تحف لوة كده
فتحي : (يمسك تمثال صغير بين ايديه) تمثال رائع .. اكتر شيء بيحيرني هو ازاي
الإنسان اللي قادر علي ابداع الأشياء العظيمة بأنامل ذهبية قادر برضه علي
التدمير والقتل والظلم بأنامل متوحشة وقاسية
رمزي : ما هيه دي الرسالة اللي باحملها علي أكتافي (بنفسه) لحد ما كتفي ورم .. بعد
كده هاجيب شيال يشيل معايا
فتحي : رسالة ايه
رمزي : نشر الجمال في العالم كله .. عن طريق تصدير التحف الجميلة اللي بتمثل
حضارتنا لكل أنحاء العالم .. بكده العالم يحب الحضارة
فتحي : (يتامل تمثال صغير) هيه دي تحف أصلية
رمزي: أصلية أصلية ايه يا راجل وقعت قلبي .ز دي تحف بأعملها أنا وواحد شريكي
بيحب الجمال برضه
فتحي : متأكد إن دي مش آثار
رمزي : طبعا مش آثار .. شوفت مخك وداك لفين (صمت) تحب تشترك معانا
فتحي : بإيه ما أنت شايف .. أنا علي الحديدة
رمزي : مش مهم الفلوس ... انت هتسافر معايا لناس نعرفهم .. عملاء لينا في
الخارج هتوصل لهم التحف دي .. طبعا غير العملاء اللي لينا هنا وبعد ما اعرفك
عليهم تروح ليهم وحد
فتحي : أسافر وحدي
رمزي : أنا هأكون مشغول مع شريكي هنا بالبحث عن التحف وصناعتها انت ناسي
(يدخل الجد) فيرتبك رمزي ويغلق الكارتونة (يدخل خلف الجد مجموعة من
الرجال كبار السن يلبسون زي عسكري وشارة [اللواء] علي أكتافهم)
الجد : تعالوا ادخلوا ( لرمزي ) انت لسه هنا .. وإيه الكارتونة دي (لاصدقائه) اجلسوا
فتحي : (لرمزي) تعالي نقعد جوه
رمزي : لا أنا هاروح مشوار وجاي تاني
الجد : (لرمزي) خليك قاعد معانا .. انا أحب أقعد مع الأغراب .. أكتر ناس بيثروني
الأغراب بيدوك لذة غريبة .. لذة الإكتشاف علي ما أظن .. اقعد اقعد عانا
رمزي : لا شكرا
الجد : (آمرا) افعد (يجلس رمزي) الظاهر انك مش عاوز تقعد معانا عشان احنا عواجيز
اللواء1 : هما كده الجيل الجديد رافض يتعامل مع الجيل القديم ويستفيد من خبراته
اللواء2 : مع إن الحياة لا تستقيم إلا بالتواصل بين الأجيال
اللواء3 : أنا فاكر إن في معركة التحرير مع الصهاينة .. شظية طيرت سمانة رجل أحد
الجنود البواسل .. يومها قال أنا استطيع ان أعيش بدون سمانة أما الوطن فلا
رمزي : (مفزوعا) صحيح سمانة الوطن أهم
اللواء 1: دايما تذكر الحكاية في كل وقت وفي كل مرة تحكيها بشكل مختلف .. أما أنا فقد
أحد أصدقائي أطراف يديه .. فوقف علي (رمزي يمسك يده) قمة تبه و
هو يصرخ بأعلي صوته لقد أهديت أطرافي للوطن وغدا سوف تنبت لي
أطراف الحرية
رمزي : وطلعت له اطراف الحرية
اللواء1 : (يتفحص وجهه) انت شبهه .. وريني أطرافك (يسحب رمزي يده)
الجد : انت قلت نفس الكلام للبقال والعجلاتي وكل اللي قابلتهم قبل كده
اللواء 2 : أما انا كنت قائد سلاح الدفاع الجوي .. وشوفت زملائي بيتحرقوا بالنابالم وانا
واقف عاجز مش قادر امدلهم يد العون (يسد أذنيه بيديه) صوتهم و منظرهم
وهما بيحاولوا يخرجوا من بين النيران المشتعلة حولهم وفي أجسادهم منظر
مفارقش مخيلتي لحد دلوقتي
اللواء 1 : أهوال حرب أكتوبر لازم الاجيال الجديدة تعرفها ويهتموا بيها عشان يعرفوا
معني الانتماء للوطن
اللواء2 : الانتماء مش كلمة
الجد : ممكن نقعد زي الشاب ده (مشيرا لرمزي) التعب بيحل بجسمي بسرعة
من بذل أي مجهود ولو كان المشي بضع خطوات وكأني خضت معركة حربية
اللواء2: التهاردة مستعد اني اتفوق عليكم كلكم
الجد : ها ها .. وأنا موجود ما افتكرش
اللواء1 : انت ناسي اني حققت تفوق عليكم في المعركة الأخيرة
الجد : مرة من نفسك
اللواء3: احنا فيها المرة دي نشوف مين اللي هيغلب .. هاتوا الذخيرة
رمزي : (يقوم خائفا) طب اترككم انا في ساحة المعركة عندي عيال عاوز
اربيهم اقصدي عندي مشوار مهم .. استأذن
الجد: لا اقعد زي ما كنت .. عشان تكون شاهد علي تفوقي عليهم
رمزي : حاضر (جانبا) انا ايه اللي جابني عش المجانين ده (لفتحي) ما تسبنيش
وحدي وسط المعركة وتهرب ارجوك
فتحي : ما تخافش
الجد : (ينادي) يا بت يا سيدة .. انتي يا بت .. هاتي الذخيرة من عندك
سيدة : (تحضر الشطرنج) انا جاية.ز ومحضرة لم كل حاجة الريس والوزير
وسي اللواء .. وكل الذخيرة اللازمة
الجد : عظيمة البت سيدة .. آه لو كنت صغير حبتين وفيه شوية صحة كنت
اتجوزتها
سيدة : (لنفسها) الحمد لله (تخرج)
رمزي: (متعجبا) شطرنج
الجد : ايوه شطرنج .. أنت كنت فاكر ايه .. طبعا الجندي لازم يكافح بشرف في الجندية
وفي الشطرنج قصدي الحياة .. بعد ما يطلع علي المعاش
اللواء1 : لو كنت حضرت حرب التحرير .. كنت اتمنيت ان البشرية كلها ماعرفتش
غير سلاح الشطرنج
اللواء2 : الشطرنج بيعلمك الفن والإبداع والهدوء
اللواء3 : أنا ملاحظ ان حضرة الضابط السابق فتحي قاعد ساكت ما بيتكلمش ..
وجودنا مضايقك ولا ايه
اللواء 1: الظاهر إن رجال الشرطة اليومين دول واخده موقف من أبطال الجيش
الجد : الضباط الخونة لبلادهم بس
فتحي : أنا أديت واجبي زي أي وطني شريف (تدخل سهام)
سهام : عمي لو سمحت .. أنا محضره المكان في الجنينه
الجد : عشان خاطرك يا بنت أخويا يا غالية (لاصدقائه) يللا يا جنود الوطن البواسل ..
هننقل مسرح العمليات لمكان تاني ( يخرجوا )
فتحي : ليه مصر يعذبني ويهيني في كل مناسبة ليه بيكرهني
بالشكل ده
سهام : اعذره يا فتحي .. ابوك بيتألم عشانك
فتحي : بيتألم (صمت) وأنا ما بتالمش .. ليه كل واحد ما بيشوفش غير جرحه بس ..
ليه محدش بيس بألمي انا كمان
سهام : كده برضه يا بن عمي .. وانا مش بشاركك همك و آلامك
فتحي : وجودك جنبي بيعذبني
سهام : أنا
فتحي : أيوه نظرات الشفقة في عينيكي بتقتلني (صمت) أيوه بتقتلني .. نظراتكم كلكم
بتقتلني .. عشان كده قعدت في أوضه جوه خايف وقفلت علي نفسي
عشان اتقي نظراتكم .. ليه بتجلدوني بعنيكم .. ابعدوا عني وارحموني
رمزي : فتحي انت مسكين بالفعل .. مسكين لأنك انتظرت الشفقة والرحمة والحب من
ناس ما تعرفش غير انها تدوس الضعفاء .. يا صديقي مساحة الحب والرحمة
ضاقت في قلوب الناس و اختفت .. ارمي ضعفك وراك وواجه مشاكلك بقوة
وعزيمة .. تهابك الناس
فتحي : أواجه ايه واللا ايه .. أنا في دوامة لا ليها بداية ولا نهاية
رمزي : ليها بداية وليها نهاية .. بدايتها لما اتلفقت ليك تهمة واترفدت من شغلك ..
ونهاية انك تشتغل وتشوف لنفسك حياة جديدة موافق (يهز رأسه بالموافقة) ممتاز ..
ادخل جهز نفسك عشان تخرج معايا من أسرك وتستلم شغلك الجديد
( يخرج منكسرا مع سهام ) الناس دي لقطة .. ممكن الواحد يستغلهم .. الفيلا
دي ممكن تبقى كلها مخزن آثار مسروقة .. قصدي تحف أصلية .. و أهو
حضرة الضابط المرفود و السجين سابقا ينفع تغطية لنشاطنا الحقيقي ..
ولو اتمسك أكيد هيقدر يطلع منها من خلال حبايبه في الداخلية .. ولو ما قدرش
.. الحبس مش جديد عليه .. بس الراجل الكبير اللي عايش في دور البطل المغوار
بتاع الشطرنج .. ممكن يبوظ الشغل بتاعنا كله ويكشف المستور .. لا .. لازم
أكسبه في صفى .. والولد المغرور راشد .. بسيطة طول ماهو علي خلاف مع
والده يبقي مافيش مشاكل .. في الحالة دي (صمت) الله أنا سامع صوت حد جاي .
. لما اقعد بعيد (تدخل لمياء وخلفها راشد)
راشد : استني هنا وقولي (تقف) ايه سبب رفضك ليه .. فيه حد في حياتك (صمت)
لمياء ارحميني وانطقي (صمت) ارجوكي .. لمياء مش ده كان حلمنا من زمان .
. ما تقولي حاجة .. انفاسك بتحرقني .. ارجوكي يا ملاكي كمنيني انطقي
لمياء : اقول ايه
راشد : ايه اللي غيرك فجأة
لمياء : عاوز تعرف فعلا
راشد : أكيد
لمياء : لأن قلبك ما عدش فيه مكان للحب
راشد : أنا .. قلبي عمران بحبك
لمياء : اللي يكره والده ويحاسبه علي أعماله .. لايمكن يكون قلبه عمران بالحب زي ما
تكون نسيت إن لك أب .. عاوز تلغي سبب وجودك من حياتك .. وتعيش بدون جذور
راشد : تصدقيني لو قلتلك اني كنت أتمني لو مكانش ليه أصل او جذور (صمت) تمنيت لو
اني لم أولد
لمياء : يا خسارة يا راشد .. الإنسان كل ما يكبر بتزيد مساحة فهمه للحياة .. ويتعامل
مع الأمور بنضج أكتر .. وتسامح أكبر .. وأنت الأيام بتزود قسوتك علي أقرب
الناس ليك .. صعب إني أئتمنك علي حياتي أو أربط مستقبلي بمستقبلك
راشد : بس أنا بحبك
لمياء : وأنا بكره ضعفك
راشد : بس أنا مش ضعيف (يتكلم بحركات واشارات عصبية) انتي مصرة تلخبطيني ليه ..
انا طول عمري بفكر في الامور بمنطق مش بعواطفي
لمياء : (مقاطعة) للأسف منطقك هو انك ترضي جدك وتنفذ أواره بدون تفكير .. شيل
الستارة السوداء اللي حطها جدك علي عينك وحاجبة الدنيا عنك .. ما بقاش عندي
كلام تاني (تخرج لمياء)
راشد : (مواصلا حديثه . يخرج رمزي متسللا . يقف خلفه) لمياء أنا معذور من يوم ما
فتحت عيني مشفتش قدامي غير جدي هو اللي رباني هو النضارة اللي شوفت من
خلالها الدنيا .. لمياء (يلتفت يجد رمزي ) انت مين وقاعد هنا من امتي وفين لمياء
رمزي : دول سؤالين مش سؤال واحد .. أنا مين .. رمزي صديق الطفولة لوالدك .. قاعد
من امتي .. ساعة تقريبا
راشد : يعني سمعت
رمزي : سمعت كل شيء
راشد : مين أداك الحق .. تتجسس علينا
رمزي : لو سمحت انا متجسستش عليك .. انتوا اللي دخلتوا هنا و أنا قاعد وكان كلامكم
ملتهب .. ما رضيتش أقاطعكم
راشد : وعاوز ايه
رمزي : استني (يتوقف) من حق الابن أنه يثور وينفعل لما يصدم في والده .. لكن اللي مش
من حقك أنك تعين نفسك قاضي و سجان لوالدك طول عمره .. خاصة أنه أخد
جزائه .. مظلوم بريء ده في علم الغيب .. المهم أن الأبن والأب رابطة أبدية ..
قدر بنشيله علي ضهرنا ويشيلوه ابناءنا طول عمرهم .. وما حدش يقدر يهرب من قدره
راشد : ارجوك سيبني ماتزودش آلامي .. أنا .. أنا تفكيري مشوش الأفكار تتصارع
جوايا .. مش قادر أحكم علي حاجة أو أصل لحكم (يدخل فتحي) تعرف ساعات
بأبقي عاوز أجري وأترمي في حضن والدي .. واطلب منه يسامحني .. لكن
بالأقي ألف حاجز وحاجز بيفصل بينا
فتحي : أنا مسامحك يابني علي الرغم من قسوتك علي والدك .. ومسيرك في يوم تعرف تسامح
راشد : والدي أنا بحبك .. بس مش قادر (يخرج )
فتحي : راشد (يخرج وراءه . تدخل سيدة)
رمزي : مش معقولة
سيدة : هو ايه اللي مش معقول
رمزي : مش معقولة جمالك ده .. لا .. لا .. انتي كده ناوية تجيبي أجلي بسرعة
سيدة : ايه يا جدع ده .. انته هتلبسني قضية
رمزي : ما هو انتي يا حبيبتي غلطانة .. حد يمشي يجرح في قلوب الناس كده
سيدة : ما بلاش الكلام ده .. سرف البنت زي عود الكبريت ما بتشوفش التلفزيون
رمزي : دي البنت
سيدة : انت هتلخبط يا جدع انت
رمزي : انتي فهمتيني غلط .. أنا مش قصدي اللي في بالك ده .. انا قصدي انتي ملاك مش عود كبريت وولاعة وبوتاجاز
سيدة : قول كده خضيتني
رمزي : سيدة أنا من ساعة ما شوفتك .. شوفت مستقبلي في عينيكي .. لاقيت نفسي في وجودك
سيدة : (برقة) رغم اني مش فاهمة حاجة .. بس كلامك حلو
رمزي : شفتي انك ظلمتيني
سيدة : طيب وآخرة الحب ايه
رمزي : (لنفسه) هو احنا بدينا .. استحمل يا واد عشان الورد اشرب القطران (لسيدة)
أخرته حلوة .. بس الفلوس يا حبيبتي
سيدة : حبيبتي (لنفسها) الظاهر انك لاقيتي فارس الأحلام يا بنت مش مصدقة نفسي
(لرمزي) بس الفلوس مالها ومالنا
رمزي : الفلوس هيه العقبة الوحيدة في طريقنا .. تصوري لو معانا قد عشرين ثلاثين الف جنيه
سيدة : ايه الشاعرية دي .. بقي عشان نتلم عاوزين المبلغ ده كله
رمزي : (لنفسه) نتلم (لسيدة) اللمة صعبة اليومين دول .. عموما انا ممكن ندبرهم بسرعة
لو فتحتي مخك معايا
سيدة : ازاي
رمزي : انتي عارفة اني بتاجر في التحف الفنية ..
سيدة : مش فاهمة حاجة .. بس كمل
رمزي : التحف عاوزة مكان تتخزن فيه بعيد عن عيون الناس
سيدة : واشمعني بقي بعيد عن عيون الناس .. مش بعيد عن الرطوبة مثلا
رمزي : لانها تحف غالية وأنا دافع فيها دم قلبي .. يعني لو حد شافها وسرقها .. هيتخرب بيتي
سيدة : وأنا دوري ايه في الحكاية دي
رمزي : توفري مكان نخزن فيه الحاجات المهمة بس .. انتي مثلا أكيد .. عندك مكان
تعرفيه صح
سيدة : المكان هاجيبه منين .. أنا ماليش غي الدنيا دي غير الأوضة اللي بنام فيها
رمزي : برافوا عليكي .. الأوضة اللي بتنام فيها .. تقدري تشيلي مثلا الكارتونة الصغيرة
دي فيها
سيدة : بس لو عرف سيدي البيه الكبير هيقتلني .. لا يا عم .. مش عاوزة اتجوز .. انا
عاوزة أعيش .. وبعدين ما تكلم البيه فتحي اهو علي الأقل بيه زيهم وعنده أوضه
اكبر من بتاعتي .. وده غير أنه صاحبك
رمزي : فتي غلبان مشاكله كثيرة مع البيه الكبير .. ومش عاوزة احمله اكتر من طاقته ..
وانتي هتخافي عليها اكتر منه لانها حاجة ملكك .. ملكنا انا وانتي
(يسمع صوت فتحي وراشد) خلاص روحي شيلي الكارتونة دي دلوقتي
(تحمل سيدة الكارتونة) خدي بالك لتتكسر (تخرج . يدخل راشد وفتحي)
فتحي : اقعد مع نفسك يابني وفكر .. انا مش مستعجل
راشد : اوعدك (يخرج راشد وفتحي . الجد و أصدقائه)
رمزي : الحمد لله شفت سعادتك
الجد : خير اقعد
رمزي : بقي عاوزني اقعد مع مع ابطال التحرير في مكان واحد وما ابقاش سعيد
الجد : باين عليك ولد منافق .. بس ده ما يمنعش ان احنا عملنا كتير عشانكم
رمزي : انتوا الخير والبركة يا باشا
اللواء1 : شباب اليومين دول خرع .. مالوش هدف .. عاوز يكسب من غير تعب
مبيفكرش غير في نفسه
رمزي : رغم اني عديت سن الشباب .. لكن شباب اليومين دول ياباشا شباب يائس
لأن الظروف الإقتصادية اقوي منه .. و لأنه شاف ان الشباب اللي عبروا زيكم ..
بعد الحرب وجدوا انفسهم في الشارع بيدوروا علي وظيفة تسترهم .. في حين
ان مكاسب الحرب اتوزعت علي الكبار .. أما مسالة مالوش هدف دي مشكلة
خلقها المجتمع اللي أصبح عقيم .. ابطاله من ورق .. ومشاريعه وهمية .. بلد ماشية
من غير تخطيط واللي قاعد علي الكرسي مش عاوز يسيب الفرصة لغيره ..
بيفضل متبت فيها بأسنانه لحد ما يركب طقم سنان وبرضه متبت
اللواء2 : كلام فاضي .. الدولة عملت ليكم مصلنع .. عشان تلمكم من الشوارع
رمزي : وباعتها ورجعنا في الشوارع تاني
اللواء1 : انت انسان لاتطاق .. عاوز الدولة تعملكم ايه .. تفضل حاطة الشعب طول عمره
في حضانة القطاع العام .. كل انجاز تعملوا البلد تفطسوه
رمزي : لان الدولة بتخطط بعشوائية والانجازات اللي بتعملها الدولة عمرها ما خدت
راي الشعب .. رغم ان الشعب بيدفع التمن من دمه و قوته .. زمان كانت السرقة
عار دلوقتي بتم قدام الناس وبمباركة الكبار .. السرقة دلوقتي شرف بيتسابق
عليه الكل
الجد : باين عليك سليط السان بس يعجبني اعتزازك بنفسك وتمسكك بالشرف
(يدخل راشد) حفيدي العزيز .. تعالي جنب جدك (يجلس راشد) قولي يا حبيبي
عملت ايه في قضية المخدرات الأخيرة
راشد : الحقيقة فيه قضية ميراني
الجد : قضية ايه .. قول لجدك .. أنا أحب الحاجات اللي فيها فوازير
راشد : بس الفزورة صعبة جدا المرة دي .. لانها تمس أقرب الناس ليه
الجد : مين قولي حد جري له حاجة .. قول
رشاد : المشكلة يا جدي ان معدنك الطيب ما يظهرش إلا في المواقف الصعبة .. جدي ليه
ما تبقاش طيب وحنون علي طول
الجد : مالك يا بيبي انت تعبان .. حاجة وجعاك قولي
راشد : جدي .. أنا متأكد ان والدي
الجد : (مقاطعا) والدك ايه اللي جاب سيرته
راشد : جدي والدي ده يبقي ابنك .. وده قدرك اللي ما تقدرش تهرب منه .. ووالدي ده
قدري اللي ما اقدرش اهرب منه لازم نواجه الحقيقة دي
الجد : وايه لمطلوب مني
راشد : التسامح
الجد : تسامح
راشد : ايوه عشان اقدر اسكت الأفكار اللي بتنهش عقلي كل يوم .. رجع السلام يا جدي
لحياتي .. فيه جزء في حياتي مطمور تحت أرض مزروعة حزن ونقمة
الجد : انا (تدخل سهام ولمياء)
سهام : راشد .. عمي.. فتحي ساب البيت
راشد : ايه
اظــــــــــــــــــــــــــــــــــــــــــــــــــــــلام
يتبع ........................
يتبع ........................
نشرت في المصري اليوم
ليست هناك تعليقات:
إرسال تعليق